صوره تذكرنا برمز البطوله عبدالعزيز اللي بنى مجد له شان اسم البلد له أربع وثمانين جوله والتنميه عمّت وفي كل ميدان هذا الحرم يشهد وسهلٍ وصوله تعليم والصحه وأمانٍ بالاوطان أحمد السمحان - الزلفي قصرٍ قديمٍ ذكر عصر الأجداد صقر الجزيرة وحّد الشعب وأرضاه وسط الرياض مرسخ الساس بأوتاد في بابه الشلفا على الباب تلقاه واليوم في عزّ .. وأمن للاشهاد في عهد أبو متعب من الخير شفناه علي رشيد الرشيد - رياض الخبراء يا بلادي عزّك الله بالنصر وانتهى عصر المعادي والفتن دارنا دار التقدّم .. والفخر يا بلاد العزّ .. يا أغلى وطن شفتوا الأعلام في عالي القصر بعد دحر العدو .. ونشر الأمن ريان محمد الخنيفر إي من هنا كانت بداية بلادي إي من هنا أشرق على داري النور بقيادة اللي للفضيلة ينادي عبدالعزيز اللي عدلها عن الجور مبايعن العود حضر .. وبوادي من بعد أبو تركي غدا الشعب مسرور عبدالكريم بن خزيم - البكيرية كل الدول لها تاريخ.. وآثار.. وأبطال ومعالمٍ تحوي شخوص وتراث وبطوله صقر الجزيره فاتحٍ قصر مازال يروي مجد وفتح وبيعه وملاك دوله قصر المصمك في ذاكرة كل الأجيال ويوم الوطن يحظى بزياره وجوله عبداللطيف الحُمَيَّاني - عنيزة رفرفي يا راية التوحيد .. رفرفي وافرحي يا دولتي يومٍ سعيد يوم توحيدك على يد الوفي عبدالعزيز اللي على الدنيا مجيد يوم الوطن غالي وحقٍ نحتفي ونرددك يا سارعي أغلى نشيد خالد ناصر المخيمر - روضة سدير يا علم يا دار لك مجد وعروبه ذكرياتك باقيه .. والوقت باقي نحمي ترابك لاشبة شبوبه بايعين ارواحنا دون النطاقي والمباني تثبته يوم الصعوبه يوم باروده ودخانه حراقي حمد عبدالله الوايلي - حوطة سدير أفضل شعارٍ معتلي عندنا فوق لفظ الجلالة عاليٍ في علمنا وحّد دياره بالرجاجيل .. والنوق لين استتب الأمن داخل بلدنا سيوف النشامى كنها ملمع بروق لواء الملك فيه الشجاعة وجدنا يوم الوطن غالي وله عندنا حقوق نفديه وندعو له بسجودٍ سجدنا سعود عبدالعزيز الهزاع - نعام ياما حلى الذكرى وما أزين مسيره ذكرى أخو نورة رجل البطولات هذا هو المصمك والليالي المثيره ببداية الأمجاد وأيضا فتوحات بداية المشوار لصقر الجزيره رجل الفخر والعز رجل المهمات محمد عبدالعزيز الخنيفر - اشيقر دام عزك يا وطنا كل عامي راية التوحيد يسلم من حماها يوم وقت الجهل واشتد العسامي قادهم من قال كلمه واحتماها واضحٍ ان النور اخير من الظلامي والرجال الوافية تعطي ولاها ماشينٍ بالدين واسلام وسلامي والعيون الحاسده يعرف دواها غنام مسعود القريني - نعام قصر المربع دايم الباب مفتوح قصرٍ لخو نوره عديم السجايا قصرٍ وفوده دايم تجيه وتروح متعهدينه من جميع النحايا قصرٍ ترات وكل مافيه موضوح من كل نوع موضحٍ في الزوايا عن فارس الفرسان ومبعد الشوح عبدالعزيز من الرجال الدهايا سعود مطرب العتيبي - الدوادمي يوم الوطن يوم يالاصحاب غالي يوم المؤسس بناء دولة عظيمه حب الوطن بالحشاء عشقٍ خيالي أحب أنا موطني وأحياء بنسيمه راية وطننا ترفرف دوم عالي أمن وأمانٍ عسى المولى يديمه عثمان إبراهيم الرشيد - الرياض نرحب بمشاركاتكم الشعرية وما تلتقطه عدساتكم من الصور الهادفة والطريفة على إيميل الخزامى: [email protected] أو الفاكس رقم: 0114871070 صورة العدد السابق
