يا ما حلا الملبوس في يوم الاوطان يوم الوطن يومٍ نعزه ونغليه

صوت الصورة

لوحة تعبر من حسينات الأفعال
لاجل الوطن كلٍ يحبه ويغليه
اللي غرس حب الوطن في هالاطفال
يستاهل التقدير والرب واليه
سعد الحماد - روضة سدير
المملكه قامت على زند مغوار
زيزوم نجد اللي برجله شبرها
من يوم ابوتركي جمع ربعه وسار
صوب الرياض وديرته ويخبرها
عبدالكريم النغيمشي
يا دار أنتي حلى كل الأوطان
والأخضر الخفاق مرفوع دايم
دامت لك الأفراح في عز وامان
اليوم يومك نذكر اهل العزايم
حمد الوايلي- حوطة سدير
يوم الوطن بوّل الميزان
يوم تفرح به الامه
يا موطني يا قبلة الاوطان
لك بالفخر أفضل القسمه
سعود عائش الحربي - جدة
شف الصبايا من الفرح شالت أعلام
وطوقٍ على الهامه بلفض الجلاله
يوم الوطن غالي ونبصم بالابهام
إن الأمن موجود وسيف العداله
سعود بن عبدالعزيز الهزاع - نعام
يا ما حلا الملبوس في يوم الاوطان
يوم الوطن يومٍ نعزه ونغليه
متوشحاتٍ ثوب.. وأعلام.. وألوان
صقر الجزيرة صقر والمجد بانيه
عبدالمحسن بن محمد المحيسن - رياض الخبراء
حب الوطن فينا من الله طبيعه
نفدي وطنا.. والعلم.. والقياده
يا كيف ما نعشق منار الشريعه
مسرى نبي الله وقبلة عباده
سارة علي الفيفي - بيشة
يوم الوطن ياعساه يعود
ونفوس الاسلام فرحانه
عليك يالقايد ابن سعود
وعلى ولي العهد واخوانه
خلف حميد الملفي - الرياض
محلى بنات الديرة ولبسهم يا ناس
يوم الوطن فيه الفرح مطلوب
حب الوطن عند صغارنا ماله قياس
وابو متعب عندهم غالي ومحبوب
سميرة سليمان العبرة - الرياض
بالهامه الصفراء والعلم شلتي الصف
وترددين القول عسى الله يعزه
هذا وطنا يا بعد عمري كم ضف
جموع المسلمين اللي لفوه بكل حزه
خالد بن ناصر المخيمر - روضة سدير
الكل أبيوم الوطن فرحان
والفرحه بانت بالاوطاني
وراية العز فالميدان
تشهد لها كل الأزماني
عبدالكريم عبدالرحمن السلوم