كشته قديمه تنعرف بالطواقي مضى عليها من الزمن أربع عقود وطفله تقبل جدها بشتياقي صدق التراحم بين والد ومولود سعود بن عبدالعزيز الهزاع - نعام اللبس بخنق والطواقي قديمه والعود كاشخ زاهي اللبس يزهاه مشكور ياللي من قديمه نديمه هذا تراث اجدادنا كيف ننساه سعد الحماد - روضة سدير الله يهني من جمع حوله عياله و اصغرهم الي فوق صدره محله مبعد عن اهل المسخرة و النذالة و داوى جروح من الف علة و علة عبدالرحمن صالح الدحيم – الرياض يا عيال يالي في شايبكم تبرون ترى المبره تواليها جنان لا يلعب عليكم أبليس تراه ملعون يقول خلوكم من شايب فقران سعد بن فدغوش ابن جليغم - الرياض ما حلا جو الطبيعه وريحتها صورةٍ بذاكره دوم محفوره الله اكبر كنها فبتسامتها ترفع ابهامك لها يعني مشكوره فلاح مطر الحربي - القريات مشكور ياللي كاشت مع عيالك عز الله إنك فيهم امسوي خير كل شكر فعلك إلى جاء مجالك و الله يوفقنا لحسن التدابير محمد صالح الأطرش - رياض الخبراء سمرة وتعليله والجلسه تراثيه ويا حلو الاموره اللي تقبل اخيها كنها من ليالي الجنادريه اللي تربط حاضر الامه بماضيها محمد سعد القحطاني - الرياض يا ما حلا البر والمكشات ابجو الربيع اللي تعرفونه حنا بديرة هل الخيرات ما احداً أمن العطش طويت اشنونه عبدالكريم عبدالرحمن السلوم - القرائن يا للي شريت البيت لا تنسى الاطفال اشتر لهم بجنب بيتك استراحه يلهون فيها وان يرتاح لك بال اما بلعب الكوره او بالسباحه خالد بن ناصر المخيمر - روضة سدير تراث اجدادنا غالي وترى من يلبسه غالي الا محلا صغار جددوا ماضيه مع ذكراه مكانه بالقلوب وما مضى دايم على البالي وعلينا واجب نعيبه ولا يمكن ابد ننساه محمد بن عبدالعزيز الخنيفر - اشيقر جلسة ترد الروح والجو رايق في خايعٍ توه على اول ربيعه نسمات لطفه تسعد اللي تضايق ودام الفرح لأهل الصدور الوسيعه حمد عبدالله الوايلي - حوطة سدير اشوف بنت قبلت خد ابوها تبغاه يمدد جلست البر يومين واحذر من الوديان تجوها تسلم ويسلم ما معك من وراعين فايز فرحان السويلم صورة العدد نستقبل مشاركاتكم الشعرية على الفاكس رقم : (4871070) أو الايميل الخاص صفحة الخزامى: RB-khozama@alriyadh.com زاوية (صوت الصورة) ونرحب بالصور الهادفة والطريفة.. ويا هلا.
