بيت وصدى

كان بيت الأسبوع الماضي للشاعر حمد عبدالله الوايلي من حوطه سدير حول طلب الواسطة (الشفاعة)في امور ﻻتحتاج لذلك بحكم انها حق مشروع للمواطن
والبيت يقول :
انا مراجع ولي حقوق مشروعه
مافيه داعي اوصي ناس شفاعه
وكانت الاصداء من الشعراء حول هذا البيت:
كل يحاول يمشّي أمر مشروعه
يصبخ ويلبخ وده يرفع شراعه
يمشي على الهجس قصده ينفع ربوعه
ناس تلاعب بعقل الناس خداعه
كم كلمة سجلت ماهيب مسموعه
يا ليتها تنتهي بالسمع والطاعه
علي رشيد الرشيد - رياض الخبراء
اللي يبي الواسطة ياشينها طبوعه
من جاء مراجع يبي يلوي له ذراعه
يقول باكر وهي من وقت مطبوعة
بعض البشر للرزق ياناس قطاعة
لياك تفرح بميعاده وبرجوّعه
خلك فزوع وبالخدمة وبالطاعة
ياحظ من هو تبين للملا نفوعه
يسّر أمور الخلايق وأنجز بساعة
عثمان ابراهيم الرشيد- الرياض
راحت سنيني وأنا من لوعة بلوعة
دايم هموم وحالي زادت أوجاعه
الواسطة كم لها أذان مسموعة
وبعض البشر من سببها يحصل ضياعه
أوراق غيري بظرف أيام مرفوعة
وصدر قراره بسرعة وزانت أوضاعه
محمد عبدالعزيز الخنيفر - أشيقر
يا الوايلي كل رجال له طبوعه
اهل المناصب بعضها ناس طماعه
احدن رجل يعجبك قليل من نوعه
حراً لفعل المراجل طايل ذراعه
واحدن يصدد تقول الثقل بسموعه
خلل براسه لرب الكون ما طاعه
غنام مسعود القريشي
بعض العرب يا حمد ما يخلف طبوعه
عشق الوساطه بدمه نار لواعه
من دونها لو يموت اللاش من جوعه
هيهات ياخذ حقوقه دون فزاعه
في الله ما يتكل غريب من نوعه
ضيع نصيبه وشمس الحق نصاعه
علي الزولاني الفيفي - بيشة
الواسطه يامدور حق مسموعه
ان كان ماجبتها روم على الظاعه
هات ورقه باسم هالرجال مشفوعه
ولا بد مايقدم التعريف بذراعه
اما دفعت الثمن يا الوايلي روعه
معاملاتك تضيع وضمن مجموعه
بدر الحزيمي
ناس تعيّن بعيد الدار مقلوعه
وناس على كيفها بالسمع والطاعه
يا ما نفوس بدون الواو مجدوعه
كافح وناضل ولا له ناس سماعه
ما له مجيب ولا له ناس في طوعه
متى الوساطات عنا تصير مقموعه
ريان محمد الخنيفر- الرياض
في كل قسمً بالآدارات وفروعه
وش لون ابلقى مع الاجواد نفاعه
ياهل المعرفه ياوين الدرب وشروعه
نظام واضح ولا يبغى لشفاعه
خالد بن عبدالله الصفيان- الرياض
بيت الاسبوع
كتبه للصفحة الشاعر عثمان ابراهيم الرشيد من الرياض حول قول المصطفى صلى الله عليه وسلم ما انزل الله داء الا وانزل الدواء عرفه من عرفه وجهله من جهله..
ويقول الشاعر احببت ان اشارك بهذا البيت..
مانزل الله مرض الا معه طبه
عليك بالله ومن ثمٍ بالاسبابِي
نستقبل صدى هذا البيت بثلاثة أبيات فقط تدور حول هذا الموضوع ويفضل الإرسال عبر الإيميل:
rb-khozama@alriyadh.com
أو على الفاكس 4871070/ 011
ونرحب بطرح بيت الأسبوع وهو من اختيار الشعراء وفي اي موضوع يختاره الشاعر