اللغز

كان كاتب اللغز الماضي للشاعر صلاح بن عبدالله اليابس من الدمام ويقول:
ويش الفتاة اللي على رأس رجال
أحيان وأحياناً تجي حدر رجليه
هي بالمساء تظهر على كل الأحوال
والصبح إلا من بان ما تنوجد فيه
وقد توصل للحل شعرا:
يامرحبا ترحيبة يابن الابطال
كتبت لغز وافي في قوافيه
الحل همزة بالكتابه لها احوال
احيانا في الالف والا تباريه
علي الرشيد - رياض الخبراء
يامرحبا باعداد ماهل همال
واعداد ماقالوا اهل مصر يابيه
والحل همزه تحت ياطيب الفال
واحيان تاتي فوق ياهيه ياهيه
احمد بن ناصر المحرج - الرياض
نحيي اللي جاب من زين الامثال
اليابس ابدع سرنا في معانيه
اللغز حله همزة جالها احوال
شفت الكتاب وشفتها في نواحيه
طلال الرشيد - الجبيل
الهمزة فوق الالف ياطيب الفال
واحيانا تحت الالف لازم تخاويه
هذا جواب اللغز ياصلك بالحال
وكم واحد بالحل ضاعت هقاويه
محمد ابو دحيم - البدايع
يامرحبا تعداد ماهل همال
لغز الخزامى طيب في معانيه
في كل جمعه ننتظر لغز الابطال
الحل همزة من على الالف تكفيه
فالح غازي الحربي - رياض الخبراء
صلاح حيك دوم ياطيب الفال
تعبتنا والحل باللغز مخفيه
البنت همزه بالكتاتيب تنطال
واللي درس تقويم مامرت ايديه
فهد عقيل الطويان - بريده
اللغز وارد مايبي هرج و جدال
اقول صح السان شاعر مسويه
الهمزه اللى فالمساء فوق تنقال
والا الصباح اقول ماتنكتب فيه
سعد صنهات السهلي - الدرعيه
يابو مهنا مرحبا كيف الاحوال
الغزوارد لو بدا فيه تمويه
همزه تعلا ابحال والا ترى حال
تجي اسفل امن الحرف تضبط معانيه
سالم البشري - الجبيل
كما ارسلت الحل نثرا
العنود الحنتوشي - ساجر
لغز الأسبوع
يكتبه هذا اليوم الشاعر علي الرشيد من رياض الخبراء ويقول:
انشدك عن عدة عيال مسمين
وايضا لهم اخت لها زود تكريم
اعمارهم متساوية يافهيمين
من بينهم ياتي بنات مجاهيم
نستقبل الحلول على البريد الالكتروني
rb-khozama@alriyadh.com
أو الفاكس 014871070
كما نرحب بطرح الألغاز الجيدة وننوه بعدم المشاركة الازدواجية بين اللغز وصوت الصورة واختيار احدى الزاوتين.