الدمع الكذوب

ساح كحلك من الدمع الكذوب
كيف تقدر تهله واعجب
وابتسامك ورا الشفه يذوب
بالحلا مثل معصور العنب
قصدك اقول لك مخطي واتوب
حاضرا نقول ما تأمر وجب
والله انك بشرياني تذوب
واعتبرك الحسب وانت النسب
دايم أطريك من حلفي يروب
شخب ضرع البهايم لا نكسب
ليت تلقى مثلي لو تجوب
شرق دنياك أو غربه والعرب
لو تجى نقسمه نوبه ونوب
أحسبه وانت سيد من حسب
شاعر بك تغنى يا طروب
ارحم اللي تغنى بك طرب
التفت له ابضحكة يا عجوب
مغرمك لا توديه الترب
من صدودك على وجهه شحوب
مر الأمرار من صدك شرب
طيرك أنظار ضيعه الهبوب
تالي اتقول واطيري هرب
شاعر له ابهالدنيا ادروب
مخلبه ما يصيد الا شبب
لجل الاحباب لو كنت امغصوب
التفت لي ترا صبري ينضب
نظرتي صوب ونطرتكم ابصوب
وعسا ما يجي وقت الغضب
اعرف اللي اتسويه القلوب
لو هو اناس سويته ذهب
محمد البطي