كان كاتب اللغز الماضي الشاعر احمد المحرج من الرياض والذي يقول: انشدك عن رجال بالخير معروف سموه باسم اللي تعود يشيله مايتركه بالدرب والاجر معروف يروح له ماينتظر له يجيله وقد توصل للحل شعرا: ارسل سلامي من كلامات وحروف ياصل لابو ناصر بأية وسيلة الحل ابوذر الغفاري ومعروف صاحب رسول الله وتابع سبيله علي رشيد الرشيد – رياض الخبراء هذاك ابوذر الغفاري ومعروف يعطف على ذر ودايم يجيله هذا دوام اللغز بالشكر مردوف ياصلك يالمحرج ونبغى بديله محمد ابودحيم العريني – البدائع لوكنت انا مشغول باللغز مكلوف عشرة عمر ماهي بيوم وليله الحل ابو ذر الغفاري ومعروف يعطف على ذر صدف في سبيله فهد بن عقيل الطويان - بريدة ياكثر من هو صار بالخير موصوف أمثال أبو ذر الغفاري وجيله لو العمل مثقال ذره به يشوف نتيجته أجرٍ عظيم وفضيله صالح عبدالله الزرير التميمي- الرس يا أحمد المحرج خذ الحل موصوف دامك عريب ومن سلايل قبيله حله ابو ذر الغفاري ومعروف سموه من شيٍ بدربه يشيله صلاح بن عبدالله اليابس - الدمام اسم الغفاري واضح جملة حروف مواقفه تذكر و فعله جميله واللغز وارد يكشفه رمز ووصوف ولغزن على ماقيل مافيه حيله سعد صنهات السهلي - الدرعيه لغز الأسبوع كتبه للصفحة الشاعر هايس بن سريحان الحربي من القصيم ويقول: من حل لغزي ياطويلين الاعمار وين الشباب اللي يثبت يمومه عن ضيف اقشر غالب راعي الدار للدار جاء غصب بليا عزومه دخل بها وخلاه ضايق ومحتار ينام بفراشه ويلبس هدومه للسطح يظهر ويتوارى للانظار واحيان تبقى يارفيقي رسومه نستقبل الحلول على البريد الالكتروني [email protected] أو الفاكس 014871070 كما نرحب بطرح الألغاز الجيدة وننوه بعدم المشاركة الازدواجية بين اللغز وصوت الصورة واختيار احدى الزاوتين.
