اللغز

كان كاتب اللغز الماضي الشاعر صالح عبدالله التميمي من الرس الذي يقول:
وش بناتٍ ثلاث بوسط رجلٍ كريم
كل وحده لها يا أخوان جملة بنات
اسم الأولى يجي حرفين للي فهيم
وأختها تزود عنها حرف شيٍ ثبات
والأخيرة حروفه خمس قولٍ سليم
وكلهن بأول الحرفين متماثلات
وتوصل للحل شعرا:
ياهلا مرحبا باعداد ماهل ديم
ياهلا بك يصالح ياكريم الصفات
والبنات الثلاث اللي تبي يافهيم
حجر والحج والحجرات قول ثبات
احمد بن ناصر المحرج /الرياض
لغزك اللى ثلاث صور ولله كريم
عنهن في كتاب لله ومثبتات
صورتن تذكر ان الحج ركنن عضيم
وصورت الحجر والحجرات متشابهات
سعد صنهات السهلي – الدرعية
مرحبا والبقا لك ياسلايل تميم
ولايهون المحرر هو وباقي الهواة
البنات السور بكتاب رب حكيم
سورة الحج هي والحجر والحجرات
عبدالعزيز الصالح - حائل
يا مرحبا يالتميمي وأنت رجلٍ كريم
ذاك حج وحجر والثالث الحجرات
اشهد ان التميمي جاب لغز وهيم
حير الفكر لغزه والسور واضحات
محمد ابو دحيم - البدايع
مرحبا يالتميمي عد هب النسيم
جبت لغز مكمل في كلام ثبات
أول الحل حج في جواب سليم
والحجر ثانيتهن من عداد البنات
ثالثتهن لقيته في كتاب كريم
اسمها عارفينه اسمها الحجرات
علي الرشيد - رياض الخبراء
مرحبا يالتميمي عد شرهة يتيم
لاعدمتك بناتن قلتهن بينات
حجر والحج مابين الصفا والحطيم
وثالثتهن تراها سورة الحجرات
فهد بن عقيل الطويان /بريده
ياالتميمي خذ الحل وارمعه فالصميم
كتاب ربي مبينهن وهن بينات
كلهن كلهن تنزيل رب عليم
سورة الحج والحجر وبعد حجرات
عبدالمجيد بن محمد الفريح
لغزكم عارفينه سهل يابن تميم
سورة الحج هو والحجر، والحجرات
في كاتبٍ منزل وحي ربٍ كريم
على رسول الهدى محمد أزكى صلاة
عبداللطيف الحُمَيَّانِي / عنيزة
لغز الأسبوع
كتبه للصفحة الشاعر احمد المحرج من الرياض والذي يقول:
انشدك عن رجال بالخير معروف
سموه باسم اللي تعود يشيله
مايتركه بالدرب والاجر معروف
يروح له ماينتظر له يجيله
نستقبل الحلول على البريد الالكتروني
rb-khozama@alriyadh.com
أو الفاكس 014871070
كما نرحب بطرح الألغاز الجيدة وننوه بعدم المشاركة الازدواجية بين اللغز وصوت الصورة واختيار احدى الزاوتين.