فهد فقيد الكل ما له شبيهين واليا قصر حبل العرب به تزودي فهد غنى الوصف ما له شبيهين لو اصف الموصوف تقصر جهودي وفهد بكاه الشعب واللي مصلين وعلى فهد جمرت جميع الخدودي والمصحف اللي وزعه بالملايين ماتنحصى لو عد رمل النفودي ولطاعة الرحمن واللي ملبين ولخدمة الإسلام عزز وجودي وحلا البحر يجعلها بالموازين وسقاء كثير معطشات الكبودي ماينسى فهد العرب يا المعزيين لو أن بالماكر حرارا فهودي عز الإسلام وكون المجد تكوين وفهد على الشدات رجلا ركودي وفهد يكيد الضد واللي معادين يضحك إليا صكت عليه الحشودي وفهد طلع من ماقف شيب العين ولولا الفهد حالت علينا الحسودي من ماقف المعروف عنده براهين ومن ماقف الأجداد عنده جدودي وفي ماقف مهيوب عنده سلاطين وفي ماقف الفرسان عنده عضودي واليا بغانا الداب بالحصر هامين ياما يعود بدون راسا وبودي وفهد كفيل الشعب واللي يتيمين وضمن حجيج البيت حتى تعودي وأمن بعيد الدار واللي مقيمين وعلى الموارد حافظين الورودي وكل الجلايل كمله مابقي شين وكلا عليه يقول لاواوجودي قولوا معي يا شعب واللي حليفين وأنتم على ماقلت ليه شهودي وبا أنتظر في دركم يالمجيبين ومن دونكم ما ني عليها صمودي وأنتم لمر الذوق عندي محلين ارثو فهد معي منيع السدودي فهد له التاريخ بالعسر والين ولولا الفهد ماظن تبراء الهودي فهد كفانا الشر ويخلص الدين ونحن بأمان ونايمينا رقودي ياصانع المعروف مالك مثيلين ويقاهر الأضداد ماقفك كودي لك ماقفا معروف بين الطرفين ودايم حكم منته عليهم حقودي لك ماقفا معروف عند الوفيين وعند الولي يجزاك رب أمعبودي وتعين عبدالله على الحق يامعين وتجبر عزانا في ملكنا الودودي وتحفظ لنا سلطان سيد الحبيبين يساعد العاهل وحنا جنودي والقلب ما ينفع بليا شرايين ولاشجرة تنبت على غير عودي وتجمع عصاهم مع طريق الميامين وتجبر عزاهم ياحفيظ العهودي وقل لأبو متعب بالطلب مستعدين والله معه لو جابنا مع سنودي وأسأل ربي يالملوك الوفيين بالدين والدنيا عليكم أسعودي وقصرتها ياللي على الفعل ضارين وأثبت والاكم في جميع البنودي معلا ظاهر زيد العنزي
