عبدالعزيز أسس وطنا على الدين

يوم الوطن هذا ثلاث وثمانين
ذكراً على الشعب السعودي عظيمه
تاريخ مجد مسطر بالدواوين
تاريخ عز للنفوس الكريمه
عبدالعزيز أسس وطنا على الدين
على كتاب الله ونيه سليمه
معه رجال صامدين وشجيعين
بإيمانهم وإخلاصهم والعزيمه
على الهجن والخيل بالليل سارين
خوف وخطر ما يقبلون الهزيمه
حتى رست لآل السعود السلاطين
وانزال عنها ظلمها والظليمه
وصارت ملاذ وبيت الأقصى والادنين
من عاش فيها له معزه وقيمه
الامن ساد وعزها الله بوافين
نفوسهم للشعب عطف ورحيمه
الشعب وافي والحكومة عزيزين
والخير زاد الله بفضله يديمه
الله يعز ملوكنا قولوا آمين
آل السعود مكافحين الجريمه
ويوفق القايد ويمهل له سنين
غيث الأرامل والضعوف اليتيمه
الشعب لأمره بالوفاء مستعدين
عهد علينا من سنين قديمه
معاهدين ويأمر ربي موالين
ما نختلف نياتنا مستقيمه
نمشي على نهج الجدود القديمين
بقلوبنا حب الوطن له حشيمه
الله يديم العز ويثبت الدين
ويغيثنا الرحمه بجنة نعيمه