عواكيس

* الاخ معكوس ما لقاها غير اللاعبين معسكرات خارجية وتمشيات ووناسة اما انت والله مادري وين تقضي اجازتك السنوية في الصمان والا الربع الخالي والله اعلم؟
متعب الشمري
- ابقضي اجازتي متسمر قدام شاشة تداول لعل وعسى
* وش السر يامعوكس باللي كانوا يهاجمون هزازي ويطالبون بابعاده ويوم انتقل للشباب قلبوا ضد الادارة.. مين اللي قلبهم؟
احمد الغامدي- الباحة
- هذولا ينطبق عليهم مثل مع الخيل يا شقراء
* الحبيب معوكس ظنك تتم اتفاقية الاتفاق والنصر على انتقال الشهري.. صراحة لو ما تمت لاقدر الله بيصير موقفنا صعب للغاية؟
النصراوي محمد الخالدي- الدمام
- لكن السؤال من سرب الوثيقة؟
* الاستاذ معوكس صحيح عبدالسلام الهليل يشجع برشلونة وانت تشجع ريال مدريد و"صياد" يشجع يوفنتوس.. اثريكم مشجعين دوليين وانا ما درينا؟
يوسف الحماد- الرياض
- وكنا مشجعين محليين برتبة متقاعدين
* البروفسور معوكس لماذا الاعلام لم يهتم بصفقة يوسف السالم اكثر، حتى الهلاليون لم يعرفوا ان السالم اصبح لاعبا هلاليا مثل اهتمامهم في ناصر الشمراني، هل توقع الشمراني بجانب ياسر يشكل خطورة للاندية ..؟
صديقك الجديد متعب صويان
- اي جديد الله يصلحك.. من قبل 30 سنة وانت ناشب بحلوقنا!
* لماذا لاتتجه يامعوكس الى تفسير الاحلام.. صحيح اذا فسرت بعض الاحلام خصوصا الرياضية تبي تروح فيها .. بس جرب وش العواقب؟
راشد الدوسري- الخبر
- ومن يفكني من اتهامي بالمؤامرة وابعاد فريقهم عن الفوز والمنصات.
* صراحة يابو العواكيس ان ادارة الاتفاق تخوف.. تهدد النصر بالغاء صفقة الشهري اذا ما دفعوا الفلوس.. هكذا العين الحمراء والا بلاش؟
عبدالله التميمي- الدمام
- كلام في كلام!!
* صديق الجميع معوكس نريد منك وصفة ناجحة لوضع الرياضة في حائل يمكن على يدك تصعد كل الاندية للممتاز؟
صالح الشمري- حائل
- طلبك هذا ولا يحققه مارد الابريق
* الدكتور معوكس وش رأيك باللي يبي يسيء للاندية المنافسة ووقع بشر أعماله.. هذا بالله يؤتمن على العدالة.. اثري الدعوى خربانة والكل يلعب بطريقته والناس غافلين؟
بندر السعد- الجوف
- ولهذا جاء طرده من الباب الخلفي بسرعة.
* تصدق ياعزيزي معوكس ان الاتحاديين عرفوا من اللي وراء الهجوم ضد اداراتهم.. لقد عرفوه ليس متلبسا بل عيانا بيانا؟
عبدالعزيز القحطاني- ابها
- واضح في رابعة النهار لأنه لا يظهر إلا بالليل.
* فاكهة الاسبوع معوكس ياخي افصل في القضية وريحنا (اي من الاحصائيات نصدق اللي تقول الهلال اكثر بطولات والا الاهلي؟)
فهد بن علي - الرياض
- هذه ما تحتاج تدخلي أبد.
* الداهية معوكس كيف تعلق على حركة تنقلات اللاعبين الكبار في الدوري السعودي ومن النادي المستفيد؟
ايمن بو قميص- جدة
- المستفيد والله وكلاء اللاعبين