خلك لدمع العين يا زين منديل

بيني وبينك طوّل البعد بالحيل
من دون همسك كيف تصفى حياتي
ما بين نار الصد والبعد والويل
القلب عانى بين أخذي و هاتي
خلنا نعيش العمر من دون تضليل
خلي سواتك بالمحبه سواتي
خلك لدمع العين يا زين منديل
من غيرها يا ناس يمحي شقاتي
أحب حرف الياء من دون تبديل
تكفى ترى هالقلب لجلك يحاتي
السالفه يا ناس من غير تطويل
ان الهوى ما هو على الكيف ياتي
ادري عشقت الزين صحوه و تثميل
وادري (...) الحب هاذي عناتي
وادري بأني يالغلا صفوة الجيل
وادري بأنك فوق كل البناتي
يا جعل من عاداك يا زين تخبيل
جعل السهر يحرم عليه المباتي
يالله يا ربي ويا سامع القيل
حقق مناتي قبل موعد وفاتي
حمزة الهاشمي