شل الهلال وفرحوا الناس بالعيد .. وكلٍ دعا ربه عسى الله يثيبه

صوت الصورة

آدم خذ نصيحة مستحبه
كان تبغى الفوز باليوم العظيم
صل فرضك والرصيد عجل وعبه
ووصل القرآن يخطيك الرجيم
يا سِعد منهو حفظ تنزيل ربه
ثم عمل به عالصراط المستقيم
عبدالله ذياب الحربي
- بريده
مصحف.. وطيب.. والليالي فضيله
وزودٍ على السبحه.. بها عود اَراك
ربي غفور.. وكل عبدٍ يجيله
يبي العفو يا خالقي منك ورضاك
سعد الحماد - روضة سدير
يا زين نفح المسك عن نافخ الكير
لو طال وقتك في ظلام وسريته
واستغفر الله رازق الإنس والطير
لو خايل التفكير عن ما تهيته
دور صديقك فالليال المعاسير
واصدق خوين مصحفٍ لا قريته
محمد بن زايد الحزيمي
شل الهلال وفرحوا الناس بالعيد
وكلٍ دعا ربه عسى الله يثيبه
والصوره اللي صارت اليوم تجديد
قرآن مع مدخن وسبحه عجيبه
في كل بيت نشوفها يا الأجاويد
رمز الفخر في مملكتنا الحبيبه
خالد بن ناصر المخيمر
– روضة سدير
الطيب والمبخرة مصحف ومسباح
صورة جميلة لنا والكل حاسبها
هي غاية المحتسب للخير والإصلاح
وهي رأس مال الذي يعرف مواجبها
يا باغي الخير كان تهمك الارباح
خذ من جزاها ويا محلا مكاسبها
سعود سعد العتيبي - الرياض
المصحف والسبحة ومع طيب البخور
والعيد بكره جعلكم دايم الخير
صورة جميلة بها المسلم عزيز وفخور
كتاب ربي وشهر الخير خيره وفير
يا رب تحفظ لنا الإسلام للخلق نور
وعسانا نبقا أوفيا كل صافي ضمير
حميد خلف فارس العنزي
هذا هو القرآن يا باغي الخير
تمعنه بالحيل وافهم معانيه
واظب عليه ولا يجي منك تقصير
فيه الحكم فيه العبر لا تخليه
محمد بن عبدالعزيز الخنيفر
- أشيقر
عطني السبحة بسبح باسم ربي
واتطيب وافتح القرآن وأقرا
ذكر ربي راحتي دايم وطبي
هو ضماد جروحي اللي ما تبرا
هذال ضاوي العتيبي
طيب وتسبيح وذكر وقرآن
مغانمٍ يا صاحبي لو تفكرت
ثوابها معروف في بر وإحسان
يا راعي الصورة ترى جبت وأحسنت
عبد المحسن بن محمد المحيسن
رياض الخبراء
شيٍ يسر الخاطر الضايق
ذكر الله وريح البخور الزين
تقوم مستأنس بعد رايق
ابرك من مقابل رديٍ شين
عبدالله بن عبود السهلي - تبوك
شهرٍ فضيلٍ فيه خير وإحسان
والطيب والراك والتسبيح سنّه
صوم وصلاة وتلاوات قرآن
يالله قبولك والمساكين جنّه
حمد عبدالله الوايلي - حوطة سدير
مصحف ومسباح ومدخن فيه عود
جاوي يبخر مجلس في الاصل طيب
هذي المجالس من حضرها لقا الفود
إن كان من الشبان ولا من الشيب
سعود عبدالعزيز الهزاع
- نعام
تقبل الله صومنا والقيامي
حان الفطور وفايح العود فواح
واليوم آخر شرحنا والختامي
في هالمجلد زاد زاكين الأرواح
علي آل زولان الفيفي
- بيشه
صورة العدد
نستقبل مشاركاتكم على إيميل الخزامى :
rb-khozama@alriyadh.com
أو الفاكس رقم: 4871070
ونرحب بما تلتقطه عدساتكم