صوت الصورة

ليت الاماني على الرّغبه
تمشي على السمع والطّاعه
وَ اكحّل الْعين بالكعه
وَ اشوف من خلفَها السّاعه
صالح بن عبدالله الجلعود – القراين
ساعة زمن بالبيت نادر مثيله
فوق العماير والمناير جسدها
منظر حضاري والمناظر جميله
توقيتها مضبوط للي نشدها
عبدالمحسن بن محمد المحيسن - رياض الخبراء
القلب مشتاق للصوره
أشواق فالقلب وتهمّه
ياليت ما أكمل الدوره
وأطوف واصير من يمّه
غازي بن قاعد عتيبي – الدوادمي
صورة العدد عدسة الزميل إبراهيم الجبر
الراسخة في اغلى بقعة على الارض
متوهجة من بيت ربي سناها
تاقف على التاريخ بالطول والعرض
تسلم يمين اللي تبنى بناها
سعد الحماد - روضة سدير
اسم الله العالي على أعلى المباني
له الشكر والفضل في كل الاحوال
مظهر حضاري بان بأطهر مكاني
والساعه أربع بادي فوقها هلال
سلمان إبراهيم السلمان – الصفرات
نقول ما شاء الله على ساعة البيت
الله يطول عمر من هو بناها
هذا ملكنا ذخرنا عالي الصيت
هو خادم البيتين حامي حماها
نايف بن علي المقاطي - المزاحمية
معلم حضاري معتلي فوق الأبراج
في اطهر بقاع الأرض هذا مكانه
ساعة تقيس الوقت والوقت مدراج
باسم المليك اللي عظيمٍ زمانه
عبدالله حمد الوايلي - حوطة سدير
الحمد لله حط للبيت خدام
شيّد على جاله بنايه جديده
في راسها ساعة يشاهدها الانام
وهي على العالم وحيدة فريده
مبارك الجميلي
رسالة ابو متعب لكل الاوطان
ولكل اهل الاسلام قاصي وداني
ساعة عباده كلها خشوع وايمان
تغني عن الدنيا و كل الاماني
عبدالعزيز المحمد اللاحم – الرياض
اليوم نفرح بأكبر ساعةٍ عالميه
بجوار بيت الله يا زين منظرها
من القايد المحبوب هذي هديه
في منظراً يعجبك وبالحجم ماكبرها
ريان محمد الخنيفر - الرياض
يا ما حلا الساعة بمكه بنوها
والله أكبر عالي دايمٍ فوق
بأمر قايدنا النشاما وضعوها
كلٍ بها فرحان والكل في شوق
محمد بن عبدالعزيز الخنيفر - أشيقر
هل الهلال وتباشر الناس بالخير
وجانا شهر ربي يسوق البشاير
والساعة اللي حطها باغي الخير
يلقى جزاها يوم ذرف العباير
خالد بن ناصر المخيمر - روضة سدير
نستقبل مشاركاتكم
على الإيميل الخاص بصفحة الخزامى:
RB-khozama@alriyadh.com