صوت الصورة

عداد كهرب في جدارٍ ومايل
يعني خطر أكيد مافيه تشكيك
أما وقع بالأرض وإحراق هايل
وإلا هوى لجدار وفيها تهاليك
يا راعي العداد حولك عوايل
حاسب ضميرك قبل ربي يجازيك
فهد بن محمد الجعيدي - الخرج
الحيط مايل عالقٍ فيه عداد
طارت فواتيره ولا سددوها
قال المهندس والحمل فيه يزداد
يبي صيانة .. له شهر مابدوها
سعد الحماد - روضة سدير
عداد كهرب هادم البيت خلاه
خلاه مع مترين من سور بيته
إلى بنيت يقول أو بعت نلقاه
لا ما تأخر نور بيت بنيته
ومالن به المترين والوقت نساه
ياراعي العداد ليتك حميته
فهد بن عقيل الطويان - بريدة
نبيك تمسك لنا العداد
يا جدار واثرك تعيباني
يا كود نربط بك الشداد
يمسكك لاتطيح من ثاني
عبدالكريم النغيمشي – الربيعية
يا ساتر استر من مغالاة الاهمال
واحفظ عبادك من عواقب جهلها
طبلون مكشوفٍ على حايطٍ مال
على عمودٍ كهربائي شملها
عبدالعزيز الصالح - حائل
يا صاحب العداد وضعه خطيري
تركه ترى مكشوف يجلب مصايب
هذي طبيعة فعلها ما يصيري
واذا حصل مكروه أنت السبايب
محمد عبدالعزيز الخنيفر
وينكم ياهل اختصاص أمن وسلامة
شوفوا الطبلون فيه السلك عاري
طايحٍ من دون تحذير وعلامة
الخطر مكشوف ولا منظر حضاري
فلاح الدغيم - الزلفي
عدادكم ينذر بالاخطار يا رجال
ترى التهاون يوقع الفاس بإحراج
وان طالت المدة فلا بد ينهال
ويعمل حرايق مالكم معه مخراج
علي رشيد الريشيد - رياض الخبراء
كل الخطر حول هالعداد
ليت الصيانة يمرونه
اليوم حنا بعز إبلاد
والضيف فيها يحيونه
عبدالكريم عبدالرحمن السلوم
منظر يسيئ لها البلد يا جماعه
يحز في نفس العزيز ورفيقه
موقع يهدد صاحبه كل ساعه
عداد كهرب في مباني عريقه
حمد عبدالله الوايلي - حوطة سدير
منظر الصورة حمل منظر إهمال
عداد مكشوفٍ والأسلاك برّا
والكهربا إصلاحها دوم بالحال
ولا الحصيلة حالةٍ ما تسرّا
سعود عائش الحربي
ما تسند إحمالٍ من الضغط مشبوك
إلا قوياتٍ مرابيع وأطوال
إما أمكنوني بشايكاتٍ بها شوك
والإ تراني أزيد من أحمالي أحمال
سالم معزي الفهيقي - تيماء
يا ابن جبر تصويركم يحكي إهمال
هذا الخطر واضح عواقب وخيمه
عداد مكشوفٍ قريبٍ من أطفال
مكشوف ما حط اعتباراً وقيمه
وين المراقب يكتب إنذار بالحال
يكتب على راعيه أكبر قسيمه
خالد بن ناصر المخيمر - روضة سدير
صورة العدد السابق
نستقبل مشاركاتكم على إيميل الخزامى :
rb-khozama@alriyadh.com
أو الفاكس رقم: 4871070
ونرحب بالصور
الهادفة والطريفة