صوت الصورة

معلم عظيمٍ من معالم بلادي
كله شموخ وعمروه بجداره
انواره اللي للمصلي تنادي
يحمل جمال الهندسه.. و العماره
عبدالمحسن بن محمد الجريسي - الرياض
ساعةٍ تميزت شكلٍ وطول
تحفةٍ ب أم القرى فوق الأبراج
من طولها مع فن بالصنع مبذول
أدهشت زاير.. وساكن.. وحجاج
سعود عائش الحربي - جدة
معالمٍ بأرض الحرم.. والجزيره
منها حديثٍ بارزاً توشفناه
ساعه فريده فوق برج ونيره
اسمه على مكة وصوته سمعناه
عبدالمحسن بن محمد المحيسن
يا زين شرف الساعة العالميه
اللي لها فضلٍ على الناس معروف
نشاهده ما بين روحه.. وجيه
يا زين منظرها لها الكل ملهوف
ريان محمد الخنيفر - الرياض
الساعه اللي بالحرم ركبوها
في عهد عبدالله عسى عمره يطول
يا بكر نشكر كل من صمموها
جمالها فنان بالعرض والطول
بدر بن خلف الحزيمي
لفظ الجلالة فالوسط فوقه هلال
وساعة كبيرة يعرف الوقت منها
بمجسماً ما شال في الراس تمثال
شال الذكر.. والقوس غالٍ ثمنها
سعود عبدالعزيز الهزاع - نعام
الله اكبر كل ما حان توقيت
أرست على متن الهواء صوت داعيه
اللي علت بهلال وتشرف على البيت
أرضٍ أمان وخالق الكون حاميه
سعد الحماد - روضة سدير
اكتمل صرحك بتركيب الهلال
يا شموخ العز في دين الامان
معلمٍ ثابت على مر الاجيال
لو يدور الوقت ويمر الزمان
حمد بن عبدالله الوايلي - حوطة سدير
اسم عظيم تجلى في هام السحاب
نور بنوره خالق الكون اسم الله
في اطهر بقاع الارض وشعب مايهاب
في حفظ المولى ثم خادم البيتين عبدالله
خالد سعد حامد البركاتي
الساعة اللي من فوق راسها هلال
تحفة معمارية فريدة .. فريده
الناس من حولها أجوال .. وأجوال
تأدي فرضها وهي سعيده
عبدالعزيز بن مزعل الدوسري
منظر جميل من معالم بلادي
يا زين شوفه زين بنيه وتصميم
فيه الذكر.. وهلال ما هو بعادي
يا رب تحمي ديرتي يا عظيم
بشائر القحطاني - الرياض
صورة العدد الماضي
نستقبل مشاركاتكم على إيميل الخزامى:
rb-khozama@alriyadh.com
أو الفاكس رقم: 4871070 زاوية (صوت الصورة)
ونرحب بالصور الهادفة والطريفة.. ويا هلا