صوت الصورة

مع الأسف تستاهل اللي جاك
لأنك تخطى لوحة التحذير
ماتنفع اليمني ولا يسراك
إلا برحمة عالى قدير
هذي عواقب مثلك وشرواك
اللى مشوا خطوه بلا تمتير
فارس الثبيتي - الرياض
الله يسر لها بعض الزباين
ميت قلبه وطايرتٍ اعيونه
فاتح اعيونه وكن ما هو يعاين
ناشبن فيها ومنها يفرعونه
يوم قفا يسوقها خلفه يعاين
يحسب اهل السوق خلفه يتبعونه
غنام مسعود القريني- نعام
هو مزح يبعير والإ جد
ما دام حال الوالد مبسوط
كأن يقول الولد صامد
والهرش قال الوضع مزبوط
والواجب انه عنه يبعد
لن للسلامة هدف وشروط
محمد جلمود الشكره- الدلم
لاو الله اللي راحت الشغاله
جاها الجمل وعكر لها المزاجي
من شاف حالتها فدها بحاله
بس الجمل من يقربه لا هاجي
كلاً بحاله يا جماعه داله
وهي كما اللي يصارع الامواجي
خالد بن ناصر المخيمر-روضة سدير
المخاطر مالها عندي نصيب
التهور والتلاعب بالبعير
ياكلك في ظرف لحظه يالحبيب
ما در أنه أرتفع سعر الشعير
بعدها ما ينفعك حتى القريب
الجمل مثل الجبل مزحة خطير
محمد عبدالله المجلي - حوطه بن تميم
شف الولد لاهي ويضحك بتعليق
وفك الجمل مفتوح من فوق راسه
في ضحكته فرحة على الراس تصديق
ياللي تريدون الشحم والوناسه
صورة عدد بإعداد واضح وتنسيق
خزامى الصحاري شعر ولغز وحماسه
سعود بن سعد الحافي-الرياض
الناقه الي قرطة فلفتاتي
لو إحتمت ما تنفع البنت الأخشاب
وهيه خطيره يا عرب بالمماتي
مادام وسط الراس دخلت الأنياب
عزيلها قامت تهل إعبراتي
وشف المصور ما يدور للأسباب
مسعود عزيز الحزيمي- الهلاليه
ليا ولد لعبك خطر تخدع إصغار
بصفحة خزامى شفت لعبك خطيري
خذ هالنصيحه عن طويلات وإقصار
النصح واجب للكبير أو صغيري
لا تعترض من شان صوره للأخطار
حطيت راسك لقمة للبعيري
فهد بن عقيل الطويان- بريدة
أبي حليب أمي حليب المغاتير
مليت وانا أشرب حليب القواطي
لصفحة خزامى بعثنا تقارير
ارغي بالصورة مع الصوت واطي
يالله طلبتك ياولي المقادير
تزيل هم داخل القلب ساطي
علي غنام الغنام- رياض الخبراء
أنا أشوف لي مقرود ماهو على المالوف
يحاول يفك الشبك لو كان بضروسه
ولا أدري بشبك سباق ولا بحجز الجوف
أو أونه على الطرقات والحال متحوسة
لقى الشبك وأنكر دربه السابق المعروف
يدور على المنهاج والدرب محيوسه
مبارك محمد بن طرجم الغاوين- وادي الدواسر
شايلك في ددسني يومين
وأعطيك من مصرف عيالي
وعقب الصحاري والجو الشين
اليوم مسكنك بضلالي
مابك جمالة وأنا هلحين
أرميك في وادياً خالي
عقلا خزن العنزي - تبوك