النادر اللي هزنا في رحيله

يا نجد حزنك ما شهدنا مثيله
حزنك على سلطان سلطان سلطان
يا نجد دمعك لايوقف هميله
لانك فقدتي من يعزك بالاوطان
يانجد حزنك كايدن من يشيله
لانه يهد جبال في فقد الانسان
مات الذي نلقاه في كل ليله
ضحكت حجاج وفزعتا" شانها شان
النادر اللي هزنا في رحيله
الشعب كله يفقده طير حوران
من مثل ابو خالد ينجي دخيله
حامي حمانا لاكسى الجو دخان
من مثل ابو خالد يسوي جميله
يفعل ويرجي عند مولاه الاحسان
من مثل ابو خالد عدل كل ميله
حاكم وعادل دون زورن وبهتان
من مثل ابو خالد يمد الجزيله
ريف الضعيف اللي شكى مر الازمان
راح الفقيد اللي ندر بين جيله
يبكيه كل الشعب شايب وشبان
الله يعوظ مملكتنا بديله
وتعوضه بدنياه روضات وجنان
ويحسن عزانا والمصيبه جليله
والله يصبر عاهل الجود سلمان
ومليكنا العادل لزومن نجي له
نقدم تعازينا على فقد سلطان