(عاجل) ترصد هدايا للشعراء الذين يجسدون واقع الصورة التي أبكت ملاك الأبل ومحبيها...

لأن الصورة خير من الف سطر ولأنها تعكس الحقيقة دون رتوش فقد جاءت الصورة التي التقطتها خالد بن سحمي السبيعي نجل راعي الأبل (سحمي بن ظرمان السبيعي) لتخلق حالة من الخفقان والدموع في قلوب محبي وملاك الابل كيف لا .. وهم يشاهدون عشرة من رؤوس الأبل تنتظر مصيرها بين امواج شعيب اعوجات غرب ثادق حيث تعلقت ببقايا أمل في الحياة جاء متاخرا لكنه أنقذها بعد مشيئة الله سبحانة وتعالى إذ تم انقاذها بعد عدة محاولات ..
صحيفة (عاجل ) يسرها أن تعلن عن تقديم هدايا عينية لافضل ثلاث قصائد تصوّر وتجسد معاناة الأبل بعد أن داهمتها المياه من كل اتجاه وبانتظار ما ستفرزه قريحة شعراءنا ..
جزاكم الله خير
قصيدتي اللي بشارك بها وإن شاء الله أخذ الأول
ناقتي ياناقي
ضاعت ناقتي
دورتها
ماحصلتها
وفجأة شفتها
محصورة حزينه
هلت دمعتي
ااااه ياحسرتي
ارجوا التصويت
المشكلة مدري الوضع بتصويت ولا عادي
سبحان الله ...
هذه الصورة الرائعة لهذه الحيوانات العجماوات وهي بهذا الشكل ،
تصارع من أجل الحياة ، تنعي حال كثير من المتهورين ,والذين اعطاهم الله العقل
في رؤسهم ولكنهم لم يستعملوه في مايعصمهم من المخاطر
كوارث يمنة ويسرة ... كلها تدل على تهور هذا الإنسان
ثم بعد ذلك نضرب يدا بيد ...
صح السانك ياشاعر المعاصر
عندك البيت الأول يوجد بة كسر
لاكن تنتقل معنا للمرحلة ماقبل السبعون
وفالك رجول الناقة
قصيدتي هي :
انقبص قلبي يوم شفت البعارين ===== متشعبطات فوق الحصاة
يناظرن مياهتن تجري جريان ====== وتفطرت قلوبهن يبن الحياة
السلام عليكم
حيا اله كلن باسمه
هذي مشاركتي لعلها ترتقي لاستحسانكم
ياللي تصور كلنا يرتجي شي
وهذا على قول البشر صار مطلوب
ترجي علينا صورتن ما لها زي
ونرجي فرج رب البحر قابل التوب
انا وخواتي خايفاتن من المي
وسط الشعيب ولا حوالينك دروب
ياخوك ياسليمان دور لنا ضي
نرجيك بعد الله دور لنا صوب
الموت جانا والسبب مطلب الري
واهل الصحافه عقلهم صار مسلوب
والقصد ان العقل مسلوب بسبب البحث عن السبق الصحفي وهذا امر مشروع
والله من زين القصايد
متشعبطات فوق الحصاة ههههههههههههههههههه
ماهو قاهرني إلا اللي منزل رأسه ويأكل من على الصخرة ؟ وإيش يأكل ماأدري؟
يا ونتي ونت بعيرن صاده الوادي ... يوم المطر كثر علينا باول الموسم
ينظر يمينة وامامه ويرقب الغادي ... ويقول يارب يارب يارب كلنا نسلم
ما عليش حايسها حوسة ...
لكن اقبلوها مشاركة
حنا وأهل غزة مابيننا فرق
الموت واحد والعرب عارفينه
أحدا يدينه مدها يمة الشرق
واحداً بيدينه خنجره خابرينه
يامنجياً ذا النون من كربة الغرق
فك الحصار وربنا حامدينه
ارجوا ان تنال اعجابكم واتمنى لو حددتم كم بيت مطلوب في القصيدة ...
وانا ماني شاعر ولكن احاول ان اكتب الشعر
.....
يا اللي تطالع بالبروق البعيدات
شف راعي الددسن علامه تغيب
اليوم حافتنا عظيم الملمات
والراعي المقرود ليته قريب
في وادي الرمه غدينا حكايات
زمرة وضاح النوق فوق الكثيب
جينا نبي ننهج وإلاها مغبات
وادٍ جرف ما هي بآلة شعيب
جرف(ن) قوي(ن) قاصد(ن) للثويرات
من جرفته؛ يالنوق راسي مشيب
نطلبك يا رب لطف بالبريات
ونرجيك ما نرجي (ولي تسيب)
تلطف بحال اللي شكو هالصعيبات
واللي لجا لله لاشك طيب
هذه الابيات اشارك فيها على عجل ..
وتقبلوا تحياتي
المشكلة انهم عشر رؤؤس
ويوم عديت رجولهن لقيتهم 42 كيف صارت ذي
بالله عدوا معاي كم رجل(؟)
هاذي بيتين على السريع:
بكت عيوني يوم شفت المزايين *** محاصرات فوق هاك الجزيرة
يالله يامنجي يوسف وذا النون *** تنجي الزمل قبل تحدث مصيبة
صح لسانك يالشاعر المعاصر
ونقدر حضورك ولكن القصيدة مكسسسسسسسسسسسسرة
ولكن دورتها-----شفتها------------ماحصلتها
قالوه الشعراء قبلك ستتتتتتتتن الف مره
اقول يامعاصر اقول اقضب البااااااااااااااااااااااااااب
بكت عيوني يوم شفت المزايين *** محاصرات فوق هاك الجزيرة
يالله يامنجي يوسف وذا النون *** تنجي الزمل قبل تحدث مصيبة
شفت الصورة اللي لها القلب يحزن ..... ومن سببها العين تذرف دموع سكايب
على اللي لهن عندنا قيمة ومقدار ......... البل عطايا الله ليه كل لها سايب
الماء حاط عليهامن كل الأقطار ........ وقامت تهل عليها سود السحايب
تزحف المنايا عليهامع مرور الدقايق...... ولكل صار عنها اليوم غايب
رحم تك يارب كل الخلايق ترتجيها ...........وقوتك كل مخلوق لها هايب
وسلامتكم
مع ان اكره الجمال والحياة البرية ..
لكن الصوره مره حلوه ..
آثر الشعب السعودي عنده مواهب مدفونه
شكرآ
أشكر كل من صوت لي وإن شاء الله نجيب البيرق
وبالنسبة للنقد من اللجنه تراه شوي لاذع اللي يقول كلمات مستهلكة
كل قوافي الشعر مستهلك أبو جدها من عهد امرؤ القيس الين الحين وش الجديد
على العموم اللي بيصوت لي يكتب رده عشان نرسل له بطاقات شحن
فعلا والله البعير الي ياكل ميت قلبه فضيخ
يحول يابعايرين من حجرات فوق الحصاة الكبييره
يحترن احد يشيلهن بسرعات ويحطهن بجنب الديره
اقول كمن قصاب قال آهات يفرك ايدينه ويقول خيره
جميعكم صفر على الشمال 00
شعركم هذا ولا ينفع يكون اضغاث احلام ولا حتى اضغاث منال ولا تفيده !!!
خرابيط هذا او شعر 00
ثكلتكم امهاتكم 000 عفواً قصدي ركلتكم امهاتكم 000
مع تحيات شنحوبي المنحوبي 000 سكاكا الجوف 00
تبي ذبحتي ياريم وادي سكاكا الجوف 000
ابن عجلان فكنا مانبي منك تصوير
نبيك تنقذناعسى اللة يخليك
هذي الكصائد كله كسور وشكرن للمشاركه
انا لما شفت الجمل كانه بغى يطيح طاح قلبي من بين ضلوعي
قلت تكفى يا جمل لا تطيح اليوم تطيح انت وبكره انا اطيحي
اصبر انت للصبر عنوان وضيح صبر بالشده يا زينه من صبر وضوحي
وختام القصيده ما عندي مزيح الجمل لوطاح كثرت ملاعقه قصدي سكاكينه
لا تقول موب شاعر
ياالله تحفظ للناس بعارينه
وترجع المفقود لصاحبه
امس فنانا شعبان عبدالرحيم
يشتكي من الجراد بمزارعنا
ما أعرف اقول ولا حرف من الشعر
ياعزوتن فوق قلبي كما الخيل في الهيل ..
يوم اقبل ابو ضاري وبجنوبه شراره ..
وغدن .. غرّن .. .. تلالا ..
قال ابو ضاري وش لا ..لالا
قلت لالا لالا .. شدهاا ..
يوم قال شدها .. قلت مدها
وسلامتكم
السلام عليكم
تعذرني ادارة عاجل وتسمحلي بهذي المشاركة على عجالة لاني هاوي للشعر النثري والحر ...ومالي مال النبطي...اتمنى تنال اعاجبكم
........................................................................................
أرواح...على حافة الخطر...
تتمنى ..بس توصل لبّر...
نظرتها...فيها ...خوف...
من خوفها...حتى من ناظرها..أرتجف...
عدى..الوادي..والسيل..فيه الغدر..
ياترى...في مسيره..كم خطف..
كم نفس..
كم روح
كم...شخص...وخذاه..وجرف...
أقدار..والقدر...ماينتظر
وادي ..سنين...ماكان له أثر..
وادي..كان..ساكن ..مايمر...
ويوم..جا السحاب..واتبعها المطر؟؟
كشر عن أنيابه...من الفجر؟؟؟
أرواح...تنظر هالمرة لبشر؟؟
أرواح..ترتجي...حكم القدر...
السيل..من كل الجهات...حصر
ياقوة..الله العزيز ..المقتدر...
سبحان من زرع فيهم الصبر...
ارواح...ماهي بشر
الموقف..صعب من عليه مّر..
والدمع..غصب لحظتها أنحدر...
صعبة..اللحظات..في يوم المطر؟؟
السحاب..هل ..والمطر..أنتثر...
والسيول...عانقت..حدود الصخر...
صورة..ابلغ من كلام...
ومن شافها..بكى..لايمكن يلام...
قدرة يارب..الواحد..الأحد...
ترسم على وجهها حكم القدر..
وسلامتكم
حربي
وقفة((الدعاء لفقيد بريدة...))المعلم المفقود والله يطمن اهلع
شكرا عاجل
الله القادر مسير الكون منقذ من في البحر ومن يكون
شفت انا الصورة بالعيون وهالني الابل اللى غلاها مليون
في وادي الرمة تكون بكمرت اخونا الفنان العجلان
حبي ودمعتي منهران في مشهد الصورة للفنان
ياوادي الرمه ولك هيبة بحور // متمردن مثل الجيوش الشديده !
تشهد عليك البل وجبالها الطور // حتى العنايد ماغدت لك عنيده !!!
اللي بنى في وجهك الوحش كم سور // قله انا الوادي وفل الحديده !!
قدرت الله خلت الوادي يسيل عقب مجدب ويبست فيه العروق
وقدرت الله شفتهاوكبر دلليل صورت(ن)في وسط وادي فيه نوق
يوم صدق نوها وهمل هميل وسحاب ثقال وتنوض البروق
ارتوا الوادي عقب ماهو محيل وزان القصاد تهذيب الطروق
ماجد أبوإبراهيم صح لسانك لقد وفقت في التعليق على الصورة غاية التوفيق
بصراحه مجمل الكصايد معبره
ونجيزها ..
وبهذا تنتقلون لمرحلة ماقبل ال48
واحب اكولكم
اكيد راح تغطون على كصيدة ناكتي ياناكتي
اناااا
آآآآآآ
قصيدة جزلة ياشاعر معاصر
أآآآآآآآآ تحوي كلمات مفعمة
أأآآآآآآآآآ
أآآآ وانت خير من يمثلهم ( اقصد الشعراء المهوين ) .. امزح لاتزعل
اتمنى اشوفك على كرسي المليون
عشان اخذك رفس هههههههههههههههه
هاعطني بطاقة شحن ......
الشكر للجميع وفالكم البيرق والنياق .......
سلملم
الموت من قدامنا من ورانا ... وإذا نجينا ماهربنا عن الموت
يلي تصوّر لاتزوّد عنانا .... ليتك تساندنا لو برفعة الصوت
نموت بيد اللي بقلبه رعانا ... اللي سببنا حاله اليوم مكبوت
ولانموت بوضع كدّر صفانا ... بالوادي اللي لاسمك فيه لاحوت
اخي الناقد ... شهادة اعتز فيها وبيض الله وجهك ..
يبد أن الكثير لم يفهم مضمون القصيدة ولذلك مروا عليها مرور الكرام ..
يمة الشرق اعني جهت ايران ... ولي بيدنه الخنجر اعني الفصائل الفلسطينية المتناحرة والذين على شاكلتهم من باقي ...
واخيرا ادعي الله ان يفك الحصار ونحمد الله على كل حال ...
ارجع واقول شهادتك اعتز فيها والف شكر اخي الناقد
jفي البدايه تقبلوا جلّ تقديري واحترامي للجميع وإليكم هذه المشاركه ؛
الشكوى لله مالنا اليوم مخراج \"\"\"\"\"\"\"\" ضاقت علينا والقلوب انمرجنا**
كلّ البراري طوقوها وبها احراج \"\"\"\"\"\" وبهالجزيره شايفينن حرجنا
لاكن الامل موجود والرّب فرّاج \"\"\"\"\"\"\" برحمتك يافرّاج ارسل فرجنا
ويامصّور الصوره تفنن بالاخراج \"\"\"\"\"\"\" لاعاد يومن فيه دجنا ورجنا !!!!!!!
**(انمرجنا) يقال عند الباديه سابقآ مرج عقله او مرج قلبه من شدة الخوف !!!!
وسلامة الجميع0
الاخ ماجد ابو ابراهيم اتمنى لك التوفيق من كلّ قلبي استطعت ان تستغل صورة هذا الحصار المؤلم لهذه الحيوانات لتخرج بإيضاح حصار شعب بأكمله يتمنى ونتمنى معه الفرج العاجل من الله سبحانه وتقبل تحياتي00
قامت تشرهب تحتري راعيها ...راعيها الي حال من دونه السيل
ماتدري انه لو يجي راح فيها ...اما غرق والا عليها يجر المواويل
كني بها تطلب من الله ينجيها...ويفزع لمن قلة جهوده معا الحيل
وين انت يا الي المراجل تبيها ...افزع وانا معك على العدل والميل
لو نقلب الدنيا سافلها وعاليها...ونطلع الخلفات قبل ما يظلم الليل
ولاهنت الصفحه ولاهان قاريها..ولا المصور يا عسى عمره طويل
والا خبر عاجل ماعاش ناسيها ...الي تجيب العلم ولو قيل ماقيل
وسلامتكم .....؛
صوت لي وفالك خبر عاجل
السلام عليكم
الحقيقة من أبدع كثير
لكن تبقى قصيدة القحطاني شاملة للنوق الراعي المصور الكل
أما الباقي فتشمل جانب أو جانبين بالكثير
وفالكم البيرق جميعا
وتقبلوا تحياتي وتقديري للجادين
بعارين ياالغالي بعارين
بنكبتكم فرحت شياطين..
فيه واحد من البعارين يناظر المصور كأنه يبي يتكلم معه من الوحشة يبي يقوله طلبة البعارين للرجال لا تخلينا.
السلام عليكم ورحمة الله وبركاته
انا ماني شاعر لكن ابحاول من اجل عيونكم
يا نجد و ش اللي صار وادي أو انهار *** كنت أمس بين العشب والأشجار
واليوم أصبحنا فوق سطح منهار *** لو شفتم حالتنا ماتقولون حنا أحرار
حتى دموعنا مستحيل تحكي الأضرار *** هذه نهاية مكتوبه بعيون الأخبار
طبعن القصيده ماهي فوق المستوى بس تنفع لو مطالعه
وشكرا
سليمان بن عجلان يصور ومبسوط ...... وحنا بسفينة من تراب الوادي
يالله تفك اللي على السيل مربوط ...... يبغى النجاة ولا لقى له منادي
وين العيال اللي لهم بالمرجلة شوط ..... تكفون فزعتكم وفكوا قيادي
المسألة ما تحتمل سواليف وشروط ..... السيل جارف والامر غير عادي
و الابل عز لاهلها من عصر لوط ........ تفخر بها الحضران هم والبوادي
صح لسانك يا الحجيلان
صراحة قصيدتك كفت ووفت
وأرشحها للجائزه
الأخ/ نواف الشامان
أبيات مكتمله وواثقه تستحق الأشاده بها والتصويت
بالتوفيق وشكرآ
صورة عجز اللسان ينطقها
عشر من النوق رحمها
ربي يحفظ من صورها
يوم السيل حجرها
سبحان الذي عزلها
عن الموت سلمها
نواف الشامان
مشاركه في الصداره لحد الأن معنى وقافيه واوزان مكتمله ومترابطه أتمنى لك التوفيق وياليت تتحفنا بالمزيد
احبابي ابو ماجد ؛ وصمت الروح وفقكم الله وشكرآ لكم على الاشاده بالمشاركه ولا اعرف هل من الممكن الاشتراك بأكثر من مشاركه واحده ام لا وعمومآ اعتز بما ذكرتموه تحياتي للجميع0
أرشح أبيات الحجيلان
والله شاعر فحل
من حبكم للبل يا البدو شفنا
قص ولصق شي ما هو بمعروف
ان عدوا الارجل في الروس ضعنا
ولو كان به سيل حقيقي ومجروف
كان انتخى ريمان والا شعيفان
خبر البدو ماهم ضيمن اوخوف
على المواتر فوق جيب وعصيان
لكن ما به غير لعب ومكشوف
الفو تشب لارحم خشم الامريكان
تلعب بصبحا فوق طعس ومخسوف
والحمد للباري على كل ما فان
اشرب ياخو بدوى ترى الهم موقوف
السوال هل هي ماتة والا لا
قواكم الله
وبنحاول يكون لنا حضور
يا ونةٍ ونيتها من خوى الراس.................ويا قلبي اللي تشتعل به وقيده
مما تشوف العين بالراس عوماس.................والدم وقفت مشيته في وريده
البل تحن ببقعةٍ ما بها ناس................والسيل جارف والمضارب بعيده
والراعي الهندي رحل يم يمدارس.............. من عقب ما جته الكتب في بريده
يقول (ما ما) تشتكي هم الاضراس..............ويقول (بابا) فيه عله وكيده
رحل وخلا الوضع بالحيل منحاس..............والبل غدت ما عاد منها الشريده
قال القصيبي لو كتبتوا بقرطاس................ما عاد نمنحكم عماله جديده
واليوم سال السيل من غير مقياس...............والحمد لله والطبيعه فريده
هاذي نياقي داخل السيل غطاس................ مثل السفن ترسي بليا حديده
قولوا لامير القصيم اللي دوم به فزعة................السيل جانا ولا أحد ناشد عنا
اليه اسبوعين وسط السيل مرزعة......................وأطيبهم اللي اليا جانا ايصورنا
والطيب اللي اسلوم الطيب إله وزعة.....................يبي ايحاول يجي منه او منا
والله ماندري وشي جوايزكم عساه تبل الكبد ان شاءالله،
سفينة البر و جاها السيل
يا الله من السيل تنجيها
من قبل يمسي عليها الليل
ترجع و تفرح براعيها
صارت بوادي شبيه النيل
ما عندها من يضويها
ما غير ربي قوي الحيل
اللي خلقها و يفنيها
الله خلقها يعدل الميل
من السيل بأمره ينجيها
أوجزت لو جبتها تفصيل
و(عاجل)لها الشكر نهديها
أخوكم : البدر .
يا مصور ايش تناظر انت قدامنا والشعيب خلفنا ايش تبينا نسوي( ظحكو عليكم وقالو سفينه الصحراء) الحين ابلش يا جمل
واديي يا واديي لا شعيب ولا ساقي
نططوني لمراحي من ورا ديك التصوير
عجلنا يا بن عجلان خد اجر من المنان
تر الراعي ساهيان ما دري عن داك الضلام
المالك رايح للعيال والحشوا خلف القضبان
والزول رايح عن عثمان ياكل كمونيه
اتمنى ان تنال على اعجابكم واتوقع انه شاعر المليون سكر بابهم بعد قصيدتي العصما
شكر خاص / لأدارة صحيفة (عاجل ) لأختيارها هذا الموضوع لتطرحه على القراء للمشاركه بقصيده معبره عن صورة الأبل التى عرفنا عنها قوة التحمل والصبر في الصحراء . أما في هذه الصورة فهي تطلب المساعده . ( يقال عنها بسفينة الصحراء )
صورة موثرة
أفااااااااااااااا يا سفينة الصحراء ،، ما توقعتها منك
خخخخخخخخخخخخخخخخخخخخخ
قعدتي بها ،،،
الله يرحمنا و إياك ،،،
مشاركه اخرى ( بليهان ) احد الابل الموجوده في الوادي يردد ويقول !!
اعلموا ماكلّ صيادِ يصيد ×××××××× القوافي فن في تركيبها
ما اترفّد من عبيد ومن يزيد ×××××××× آزن الخطوه انا وادريبها
آخذ الجزلات من بحر القصيد ×××××××× اقطف ثمار الزّهر واجيبها
واسقي الازهار من دم ّالوريد ×××××××× انتقيها بحرص لمن يسليبها
وجبتها بليهان في يومن نكيد ×××××××× التجي للربّ عالم غيبها
يفزع ويكتب لنا عمرن جديد ×××××××× الحوال مصلّحه يدريبها
ان بغينا البرّ مشبوك بحديد ×××××××× انحشرنا حشرتن ماليبها
والرّعاه هنود للعللّه تزيد ×××××××× اللّيال البيض مانسريبها!!
آه انا ياوجد حالي للنشيد ×××××××× في تلالن قفر عاون ذيبها
اتمشى براحتي من دون قيد ×××××××× مع غلامن رغبتي داريبها!!
******* إهداء لمن طلبوا وأشادوا بالمشاركه الاولى وإلى الاخ سليمان العجلان كما اهديهاإلى \"عاجل\" وقرّائها الكرام وسلامة الجميع 0
نرغي ويرغي كل منصاب 888 الله ياواليي الكون نجينا
الفحل ياناس عليه اعتاب 888 هو زهمنا وبقفاه جينا
قبل نرعى متوسطين كثاب 888 والحين وادي ماه يهفينا
كم واحد جاله قدر نهاب 888 اصبح عقب عترته مسكينا
العقل ياصحاب العقل ذهاب 888 خلونا تحت مولا يحمينا
فرعون وجيشه تحت غباب 888 وقارون بقعرها يسمع موطينا
والسيل عارم و به رب ارباب 888 يسمع دبيب النمل وشاكينا
ما قد سمعتو عن سفينة
الامواج تحيط بها
وهي سفينة للصحراء
واليوم هي تاي تنك
ابسألك يا صاحبي ماني فقير ؟؟
ارشح قصيدتي تكون مع المعلقات ،، صح ويصير !؟؟!!
شكر وتقدير للأخ الشاعر / نواف الشامان
على تلبيته لرغبتنا بالمزيد من قصائده الرائعه وقد ابدع في قصيده الاخيره (بليهان) التي لاتقل جمالا وروعتآ عن القصيده الاولى
فشكرآ لك وبالتوفيق
الاخوان في صحيفة عاجل اتمنى منكم إضافة هذه الابيات الثلاث في نهاية مشاركتي الثانيه (بليهان ) ولكم شكري وتقديري واعتذر عن هذا التاخير لأستعجالي على ارضائكم وارضاء القراء الكرام 0
يبرى لذوده فوق فكس آر ٍ جديد ××××××× والمراجل حازها ويشريبها
او على له شاص للبيدا عنيد ××××××× مايتوانا فز ّته ياطيبها
أتمنى ويفعل الله مايريد ××××××× والتماني ماتجي وادريبها
خف من الله ياسليمان العجلان ولا تاكل حق الناس
هذي صورة ابل ابن سحمي شمال غرب حائل في ثادق
وليست في وادي الرمة وفوق صخره كما تزعم
وتتسبها لنفسك ؟! ضحك على العالم عيني عينك
لن نسكت وسنطالب بحقوق منتدى مكشات وحق صاحب الصوره
وانتظر وسترى قريبا
الله يسامح البعران ذاك اليوم بغيت أصدمهن
ماقول غير الله يكون في عونهن
الان في شاطي الراحه
ابوظبي
((((ناقتي ياناقتي)))
ياونتي ونت البعران ,,,,,,,يوم واد الرمه جاب فيهن العيد
شفتهن في صورتن ,,,,,,,تدهش الي ماندهش
كنهن في حوطتن ,,,,,,,,,يعلم الله فيهن وش يصير
قالو انك سفينة الصحراء,,,,,ولاشفت من اسمك فعل
يوم رجليكن أكبار,,,,,,,ماقطعتن وردي الرمه
السلام عليكم ورحمة الله وبركاتة
القصيدة أطول من ذالك ولاكن لانريد الايطاله عليكم
يامرحبا
ترحيبتن كلها سرور
المعذره عن القصور
مالومكم يأهل الأبل والمزايين لو هلت دموع العيون الكلحيله
من نظرة(ن) تدمي لها الروح والعين ويخلي أجسام الأوادم هزيله
صوره لذات الروح تاقف على الطين تتوسط الوادي وتبكي مسيله
من وين مالدت ومن وين من وين مافيه غير مزون برقا المخيله
الموت حاصارها وضاعت عناوين ولافيهم اللي عارف(ن) له دليله
كني بها تنشد رؤؤس السكاكين ولاتموت بوسط وادي وسيله
أحد(ن) رفع راسه وفي نظرته بين وأحد(ن) وطا راسه لفرقى خليله
واحد(ن) يتمتم بين نفسه ومابين جاره يقوله الموت واعزتي له
مشهد يحير دمعة العين بالعين لكن مابه في القدر مستحيله
والصوره اللي جمعت هالبعارين وحاصرتهم بين يوم(ن) وليله
تذكر الغافل بصوره لها سنين تبكي معاناة الأسى والرذيله
دوله لها ياناس من فوق خمسين عام (ن) وهيه تعيش دايم ذليله
ومادام ربي فك حصر المزايين من وادي ارمه يوم سيل مسيله
نطلبه يرفع حصر هاك المساكين ويفك هذا الاسر باية وسيله
أدعي وابي منكم تقولون آآآآمين وآمين طلبة رب ماهي قليله
كيبورديه عاجله لصفحات عاجل المتألقه ولعدسة الأستاذ سليمان العجلان على ألأبداع التصويري
واتمنى ان قد كتبت ماريضي الجميع
تقديري واحترامي
وين التصويت انا اصووت لشاعر معاصر
حيث انها مليئة بالصور والتعابير الشعريه
وماقوول الا شبعتني شعر بس جب لي ببسي بهضم فيه
\"عاجل\" نختكم بالقصايد يا لاخوان -------- قولو بيوت الشعر جزل الكلام
من قال زين يبشر بموتر الفان -------- ومن قال شين ودعه بالسلام
عشر الابل في وادي السيل غرقان-------- والناس تشهد موتها ما تلام
هذا يصورها وللسبق \"عجلان\"--------- يرجي بها مال و ذكر الانام
وانا وصلني شرهة الفحل صوغان ------- قال الفحل كيف العرب ما تحام
واضرب جميع الابل في ارص سمحان -------- ما تأكل البرسيم و كل الطعام
حتى الاسد ندد و قبله كحيلان ------- و من بعدهم حوت البحر و الحمام
المشاركه الأولى:
الشكوى لله مالنا اليوم مخراج ×××× ضاقت علينا والقلوب انمرجنا*
كلّ البراري شبّكوها وبها احراج ×××× وبهالجزيره شايفينن حرجنا
لاكن ألأمل موجود والرّب فرّاج ×××× برحمتك يافرّاج ارسل فرجنا
ويامصوّر الصوره تفنن بالاخراج ×××× لاعاد يوم ٍ فيه دجنا ورجنا!!!!!
* (انمرجنا ) يقال عند الباديه انمرج قلبه او انمرج عقله آي من شدة الخوف
**************************************
المشركه الثانيه0
اعلموا ماكلّ صيّادٍ يصيدْ ×××× القوافي فنّ في تركيبها
ماترفّد من عبيد ومن يزيدْ ×××× آزن الخطوه انا وادريبها
آخذ الجزلات من بحر القصيدْ ×××× اقطف ثمار الزّهر واجيبها
واسقي الازهار من دمّ الوريدْ ×××× وانتقيها بحرص لمن يسليبها
وانظم المنظوم في عقد ٍفريدْ ×××× واطرب اطراف ٍ تبي تطريبها
وجبتها بليهان في يوم ٍ نكيدْ ×××× ألتجي للرّبّ عالم غيبها
يفزع ويكتب لنا عمر ٍ جديدْ ×××× والحوال مصلّحه يدريبها
أن بغينا البرّ مشبوك بحديدْ ×××× وانحشرنا حشرةٍ ماليبها
والرعاه هنود والعلّه تزيدْ ×××× والليال البيض ما نسريبها
آه انا ياوجدْ حالي للنشيدْ ×××× في تلال ٍ قفر عاون ذيبها
اتمشى براحتي من دون قيدْ ×××× مع غلام ٍ رغبتي داريبها
يبرى لذوده فوق فكس آر ٍ جديدْ ×××× والمراجل حازها ويشريبها
او على له شاص للبيدا عنيدْ ×××× مايتوانا فزّته ياطيبها
اتمنى ويفعل الله مايريدْ ×××× والمناوي عسرة ٍ وادريبها
تمّت0
مع اعتذاري الشديد لأعادة الكتابه والصياغه ولكن كلّ هذا لتظهر لكم جميعآ بالصوره التي احرص عليها من اجل ارضائكم وتقبلوا تحياتي 0
حُب المزاين في عيوني قصيدة
(وعاجل)بها الصورة أدمَت فؤادي
شيءٍمُوصى به في كتاب العقيدة
وحُب الابل من عهد الاجدادي
اشوف في الصورة نظراتٍ عديدة
خوف وهلع مع اصرار وعنادي
في وادي الرمة شفت اشياءٍ جديدة
قوة الخالق طالت خافي وبادي
والله ياها النوق عندي فقيدة
لانها بيوم كانت ملحي وزادي
ماغير اطلبالرب يرحم عبيده
ويرحم مزاين في حزات اشدادي
(البل)عطايا الله ماهي عنيدة
سفينة الصحراء بكل وادي
عذي الابيات ارسلها (بريده)
ياعلها تاصل مع طير شادي
هذي ابيات ارسلها لجريدتي العزيزة (عاجل )عساها بس تكون جزلة ووافية المعنى
وخرو بس انا شاعر هالصووورة
سجل عندك
يا بعيرن فوق ناطحات السحاب
غايبن وعيك تبي الستر
ودربيل دربلنا به ودربيل ما دبرلنابه
تقدر يا راعي الدربيل تدرب بدربيل ما دربلنابه
حُب المزاين في عيوني قصيدة
و(عاجل)بها الصورة تدمي فؤادي
شيءٍمُوصى به في كتاب العقيدة
وحُب الابل نوماس الاجدادي
اشوف في الصورة نظراتٍ عديدة
خوف وهلع مع اصرار وعنادي
في وادي الرمة شفت اشياءٍ جديدة
قوة الخالق طالت خافي وبادي
والله ياها النوق عندي فقيدة
لانها بيوم كانت ملحي وزادي
ميراطلب من الرب يرحم عبيده
ويرحم مزاين في حزات اشدادي
(البل)عطايا الله ماهي عنيدة
سفينة الصحراء في كل وادي
هذي الابيات ارسلها(بريدة)
ياعلها تاصل مع طير شادي
الشاعر / نواف فراج الشامان
كفّيت ووفّيت وفعلآ اطربتنا بالمشاركتين الرائعتين صوره رائعه وخيال صادق مؤثر وعقد جميل اتمنى لك التوفيق
ياوادي الرمه سقاك المطر دوم=حيثك مقر أهل الوفاء والكرامه
واديك سال وزاده البرق وغيوم=والجو رايع في ديار الشهامه
ارض القصيم اللي بها الطيب معلوم=دار الرجال أهل الكرم والزعامه
والخير عمت للشواهيق وحزوم=وعم الوطا وارض السهل والعدامه
وسيل على الوديان ياجعله يدوم=عز الحلال وعز راع الجهامه
والمنظر اللي شفت حاصل ومقسوم=احتارت البل في طريق اقتحامه
ماعندعا الا طاير يبعد الحوم=بين الحمامه والحجل واليمامه
في تلة تنظر مصير ومحتوم= ماعندها حيله ولا به سلامه
تبغى شغاميم على الموجب اقروم=يطلعون الذود بعزم وصرامه
وسلامتكم
الارض ظاقت يابعارين بالحيل & والسيل يفزع كل منهو يجابه
الحظ مال ومالكي خافه السيل & هج ونسى وقت اللوازم ركابه
ما أطول لحظات الإنتظار ,,
وما أقساة من نهار ,,
أثناء تفكير بالنجاة ...
في أي لحظة قد يحصل إنهيار ,,,
...................
المركب الصغير ,, قبطانه \" بعير \"
..................
يفكر الكثير ,, لو استطاع أن يطير
لكنه المصير ..
هل يحصل إنهيار ؟؟
..............................
بعد رهاب الإنتظار .. في نشرة الأخبار
صحيفة بالجوار ,,, تنشر الأسرار
ما يزعم أنه انتحار !!
كان ابتلاء واختبار .
كيبورديه سريعه .... تقبلوها وعساها تجملنا
على لسان الجمل
...............................
حال المحال وقربّن المقادير # والصبر زاد ولا قواه احتمالي
بطحاءً هيال وواديٍ تحته يسير # ولا عاد فيها يارجولي مجالي
كني كسيرٍ ساكنٍ غبّت البير # ربعه تنحّو والعدا ماتبالي
ياليت لي ريش وجناحين واطير # وأزبن على شبك الرفيق الموالي
مير التمني مارجى صاحبه خير # مشكاي للي عالمٍ كيف حالي
اللي خلقني مركبٍ للمشاوير # من سير الوديان وانشاء الخيالي
.......................... اشكر من التقط هذه الصوره الاكثر من رائعه
........
صورة(ن)تغني عن مية سطر**
وأيضآ التصريح وكتابة مقال**
أحمد الله يوم جاب الناالمطر**
وسالت الوديان من بعدالمحال**
يم ثادق ياعرب شفناالخطر**
بعدماحاصر عشرمن الجمال**
شافها رجلآ بالسيرة عطر**
طش ثوبه والشماغ مع العقال**
والتقط صورة محدودة قطر**
أصبحت ياناس شيئ من الخيال**
ثم نزلها من ذاك الخطر**
يوم نزلها من ذيك الرمال**
أهداء الى سلطان المهوس
ياناس بان الحق وبان راعيه
للصورة اللي شكلها صارفارق
بانت أخيوطه يوم خالد سعى فيه
وشهد معه وسمآ يسمى المطارق
وبان المصورجعل تسلم أياديه
وظهرلنامن كان ياناسارق
ماخاف يومآ ربآ كلنا اليوم نرجيه
ولاخاف يومآ فيه ناجي وغارق
(آخذ الجزلات من بحر القصيد ×××××××× اقطف ثمار الزّهر واجيبها)
صراحة اخذت جزل القصيد يا أخ نواف الشامان وصح لسانك
وان شاء الله تاخذ الهديه
والله يوفق الجميع لمايحب ويرضى
بنسبة للمصور / صراحة صورة روعة وانا حطيتها خلفية لسطح المكتب عندي
وصلى الله على نبينا محمد
شكرآ جزيلآ لجمع الاخوه والاخوات الذين اثنوا وأشادوا بمشاركاتي والشكر موصول لجميع من شاركوا ولقراء صحيفة (( عاجل ))عامه وجميع منسوبيها الكرام أيضآ الشكر والتقدير لمصوّر هذه الصوره التي فعلآ كان لها أثر على مشاعر الجميع من محبّي الأبل أسأل الله تعالى السلامه والعافيه للجميع0