صوت الصورة

يا غلام ياللي تلبس النضرة
نظارتك هاذي ما هي عاديه
وذع على الجيران وسط الحاره
إن كانها يا صاحبي شمسيه
متعب مطعس الفجري - الأحساء
هذا المراهق كم نظارة لبسها
تتلف عيونه والعواقب وخيمه
وهذا دمار العين وتلقى تعبها
والشوف نعمه والسلامه غنيمه
محمد بن عبدالعزيز الخنيفر - أشيقر
يكفي من الخمس نظارة
والباقيه ويش لازمنها
استح لا تدخل الحارة
بطيح لو كنت حازمها
شبيب بن حمود القحطاني
من يوم أنا كنت بالروضه
عشقت نظارة عيوني
وش عاد يا ناس من موضه
تكفون تكفون دلوني
علي آل زولان الفيفي - بيشة
خمسة نواظر كل وحده لها لون
من شأن أشوفك يا حياتي بالألوان
وما همني لو قالوا الناس مجنون
راع الهواء عند العرب دوم مرضان
طلاب بن غارم فرحان آل فرحان - الرياض
يا من بغي شري نظارة
إقرب تفرج ترى بياع
ماني كفيف(ن) وسط سيارة
لكن عرض السلع أنواع
سعود عائش الحربي
يالاعب الشيش يا فنان
وجهك مغطا ولا بان
بالسيف تلعب معك ثان
أو بالعبانا كلنا أخوان
عبدالكريم عبدالرحمن السلوم - القرائن
شكلك يذكرني بسواق دباب
طق النظاره واستعد لسباقه
لكن فرقت عنه بالخمس يا شاب
كنك مع الموضع مسوي علاقه
خالد بن ناصر المخيمير - روضة سدير
أشوف لي طفل لبس له مناظير
مدري فسق ولا يبي لفت الانظار
لا شك شغله ما يبي له تفاكير
يحتاج للتوجيه من الأهل والجار
الوقت الأول غير من وقتنا غير
واهمالنا الأطفال فيه أكبر أضرار
مبارك بن محمد بن طراجم - وادي الدواسر
نضارة تكفي وش القصد من الخمس
ما فيهن أية فارق في البراويز
لقصر النضر والبعد ووحده عن الشمس
وثنتين يمكن للإطارات تعزيز
سعود بن عبدالعزيز الهزاع - نعام
الموضة لا فهمت غلط صارت أهبال
يا شيخ أركد وأخذ منها المفيدي
توك صغير وبكرة تبي تصير رجال
وبيصير رايك يا السنا في سديدي
سلطان سعد السهلي - المجمعة
وحده تكفي يا رجل ليش للخمس
بالصورة اللي انشروها الخزامى
يكفيك وحدة تحجب أشعة الشمس
شكله محارب واقف(ن) للسهامي
عبدالكريم إبراهيم بن خزيم - البكيرية
بديا انا بالقاف وانهيت بالتاء
كل على ماقيل حسب ابتكاره
دعاية التسويق والطرق شتاء
قديماً قالوا التجارة شطاره
مخلف سعيد الشمري - الأحساء
تركي لبسها الى هامة الراس
في شكل رواد الفضاء يوم يمشون
شبحت له عيني ولا شفت له طاس
تكفى يا سواقه ترفق على الهون
حمد عبدالله الوايلي - حوطة سدير
وجهك طمسته بنظارة
وشم فيك خايف يخلصوني
من الغواويص بك شاره
وسط البحر به يغوصوني
عبدالمحسن بن محمد الحريسي - الرياض
يا صاحبي نظارتك ما لها حد
مدري تسلى ولا في السوق بياع
كلما خذاله وحدة راح ثم رد
بعضه يحز الراس والباقي وساع
سعد الحماد - روضة سدير
تصرف دراهم لانك انسان فسقان
وحيده تكفيك شر الشموسي
وش حاجتك في لبس الخمسة الوان
هذا هو التبذير فيك محسوسي
عبدالكريم الرسلاني - الرياض
اللي لبس خمس نظارات
وشلون يبغا يشوف ابها
بكرة تحسف على ما فات
لا راح نورد البصر منها
رائد بن مناحي بن مسعد - القرين
صورة العدد السابق