يا بو متعب يا حبيب الشعب يالمقدامي

من هجوس اللي يهيم بكل واد اهيامي
شاعرن فكره يلف الكوره الارضيه
لا ورد عد القوافي مثل ورد الظامي
جاب لك دره ولولوه ومرجانيه
مرحبا بك يا ملكنا واسعد الايامي
يوم في تاريخنا الميلاد والهجريه
ارحب بسلم اقحطان أمن اليمني لشامي
ومرحبا ترحيبه الهيلا ويا الله حيه
يا أبو متعب يا حبيب الشعب يا المقدامي
اقلط اقلط في محلك واشرب البريه
يا كريم الجود مكرمنا وحنا اكرامي
ومالكن فينا القلوب بحب وانسانيه
وكلنا يا خادم البيتين لك خدامي
وانتشرف سيدي بالرتبة الجنديه
انت لله عبد تحمل رادتن ووسامي
والشجاعة والكرم والدين فيك اصليه
والله انك قدها وقد المقام السامي
لاحضرت المؤتمر في الصاله الدوليه
وياوطنا فوق هام السحب هامي هامي
ورددي عاش المليك وعاشت الحريه
وسارعي للمجد وامجادك ورا وقدامي
ودام ابو متعب بخير ابخير يا سعوديه
يا أهل التوحيد وأهل العلم والاقلامي
يا حرس يا جيش يا قواتنا الامنيه
الله الله ثم ملكنا ودينّا الاسلامي
والوطن دونه نقف وقفاتنا الجديه
والرسول محمد اللي حطم الاصنامي
مير مسمع فيه لا هاذي ولا هاذيه
الف صلى الله عليه وبالصلاه اختامي
والسلام ورحمة الله من صدوق النيه
سبعان مسعود الحافي العتيبي