والدمعة اللي في عيونه أدله ماهيب من عينه تدلت من عروق

(القرارات الأخيرة التي اتخذها مليكنا الغالي وحكومتنا الرشيدة تأتي امتداداً لدعم رفاهية المواطن والسعي لتبديد همومه ومداواة أوجاعه تذكرت صورة نشرتها الجريدة الغالية الرياض لخادم الحرمين وهو يجفف دموعه وشعرت حقاً كم هو إنسان وكم هو أكبر مواطن صادق يعيش هموم أبنائه ويأتي دعمه لصندوق الفقر من منطلق عنايته بشؤون الناس فكانت هذه القصيدة).
اللغز غامض والمعزب يحله
والشعب حاضر والملك راعي احقوق
يا فقر لك يمعاد والله ووالله
ما ينكتب لك نومه الا بصندوق
يا فقر ما تجلب علينا المذله
وغيماتنا من فوقنا رعود وبروق
وان كان عاش الراس تاليك فله
يدفن بها حال من القل مزنوق
وان قاله الله واول الخير طله
ياتيك بو متعب علي العز من فوق
حي الوطن والحاكم اللي نجله
ضد العدام اللي بنى للعرب طوق
عبدالله اللي يسهر الليل كله
ماوده يذوق العنا أي مخلوق
إنسان في عطفه ومده جبله
تتطابق أفعاله على كل منطوق
والفقر في عهده تزلزل محله
تكتب نهاياته من البيت للسوق
حاكم على شعبه جفونٍ مظله
ما غمض بجفنه والإنسان محقوق
والدمعه اللي في عيونه أدله
ما هيب من عينه تدلت من عروق
يكفيه فخر العالم انه أبٍ له
ما عاش شعبه في المتاهات مسحوق
يشهد له التاريخ في كل مله
أنه دوا الارهاب والفقر والبوق
وان كان في حق الوطن جات زله
يبطي سنام الوقت ما نركب النوق
اندوس كل المال ما يشوف خله
دون الوطن حنا بغنى ما بنا عوق