بلادي لها عندي مقامات وحقوق

ياللي تبي من صادق العلم منطوق
خذ الجواب وخل عندك يقيني
أنا سعودي رافعاً هامتي فوق
ارض الحرم ارضي والإسلام ديني
مانعبد إلا من خلق كل مخلوق
الواحد اللي ما لملكه وزيني
حرم علينا شرعنا الغدر والبوق
ونسجد لمولانا مع الساجديني
اجارك الله يابلادي من العوق
من فتنت الحساد والطامعيني
ارض الكرامه والشرف قمة الذوق
طيبه ومكه قبلت المسلميني
بلادي لها عندي مقامات وحقوق
روحي فداها مالغلاهاحتيني
وقايد مسيرتنا به الخير مرفوق
عبدالله الشهم الكريم الأميني
بقلوبنا بعيونا داخل الموق
مليكنا العادل كريم اليميني
عدل وامان وراعي الشر مخنوق
ومساعده بالخير نعم العويني
سلطان ابو خالد سند كل مزنوق
طيبه مغطي طيبت الطيبيني
والنايب الثاني على الأمن ماثوق
حد الحسام اللي يقص الوتيني
من ثور الفتنه على الوجه مصفوق
قدمه رجالن بالمواقف تبيني
دون الكرامه شارب الخصم محلوق
إلى جهل حنى اجهل الجاهليني
عاشق صحاري نجد عن كل معشوق
سهالها وجبالها تحتويني
على ثراهاأسج مع كل طاروق
وعاشوبها جداني الأوليني
لو شفت دمي من هوى نجد محروق
على الخشونه عايشن من سنيني
مرزوق بن جريبيع الحنيني الحربي