عاد الفرح للوطن

حي الله اللي عليه النفس مشغوفه
سيد وطنا من ابنا سيد الساده
عبدالله اللي ملك شعبه ابمعروفه
مطلق سراح السجين إمزبن القاده
عبدالله اللي ما والله يرخي اكتوفه
إلا لرجل كبير وطفل واعباده
اللي مسح دمعة الايتام بكفوفه
اللي سمع للفقير وحقق إمراده
اللي بنا وقف أبوه وطول إسقوفه
لجل الحرمين ينفق كل ميراده
في وقته الحج ما به ضيف وكلوفه
زوّد لرمي الجمار أدوار إزياده
فعّل قطار المشاعر واعلن أوقوفه
على سنام الجبل قد ثبت إشداده
اللي بنا في ثول للعالم إتحوفه
إمجمّع أبحاث وارشادات وارياده
وفصل التواما وشي ما قدر آحوفه
شيخ يتعّب هجوسٍ تحصي أمجاده
يوم أكثر الناس للشيطان مصروفه
هو مصرفه فالدرب الخيره عاده
ما هوب منلام بانزلاق غظروفه
شايل هموم العرب زود على ابلاده
حي الله إمعزب تفزع له إضيوفه
إترحّب الناس فيه أفراد واقياده
أصواتنا يوم جيت أوتار معزوفه
وقلوبنا بالرضا تأتيك منقاده
في جيّتك دفة الاحزان مدفوفه
وكل جعل صورتك فارقبته إقلاده
ما عاد نبغى بعد شوف الملك شوفه
عاد الفرح للوطن في يوم معواده
المملكه باهلها شفقه وملهوفه
طولت عنها وهي ماهيب معتاده
ميرا صبرت واصبحت بالصبر مخلوفه
من عقب ما هي لثوب الحزن مرتاده
في كل بيت سمعنا صوت غطروفه
يام الذهب غطرفي للدار وايعاده
المملكة للقلوب البيض مألوفه
وهي بعد للقلوب السود لهاده
يا سيدي كان صف الحاقد إصفوفه
والله لنحرق صفوف الخصم واعتاده
انتم دروع الوطن واحماه وسيوفه
وارقابنا دون حد الدار سداده
ايدينا فالوغا ماهيب مكتوفه
إلا صقور على الاخصام هداده
دار لقينا منه تقدير ومعروفه
في بادي العمر وامعاناه وانكاده
في ظل أبو متعب ورحماه واكنوفه
اللي جعل دولته بين الدول غاده
الله يجيره من المكتوب وظروفه
شيخ غيابه يهز الجسم وفواده
شوفه معافى غناة القلب واشفوفه
يا رب عافه من أدنى الشر وابعاده
علي بن عامر بن محمد العامر
الدوادمي