(ملحمة وطنية)

جيت اشارك بالفرح في يوم كنه يوم عيد
يوم فيه لمملكتنا فخر بفعل الجدود
الرجال اللي صنعوا تاريخ للامة مجيد
وفخر للاجيال يبقى على مر العهود
في قيادة ابو تركي صاحب الفعل الفريد
الامام الحاكم اللي له عظيمات الجهود
جمع الكلمة على التوحيد والرأي السديد
وحارب جموع الضلالة والفتن هي والحقود
واستعاد الحكم في أرض الجزيرة من جديد
واعتلى عرش الزعامة بعد توفيق الودود
ماخذاها هكذا جت بعد جهدن جهيد
عقب شب الحرب لاكثر من ثلاث عقود
ذا طريح وذا جريح وذاك عند الله شهيد
بين كر وفر وسط جبال وسهول ونفود
عاندت له فالبدايه ولكنه عنيد
ويوم شافت قو باسه أركدت لامره ركود
تمت ووقت التناحر والجهالة قد أبيد
وأشرقت شمس التآخي وانجلت أيام سود
هذه سيرة بطلنا مؤسس العهد الجديد
يوم اعاد الحكم لآل سعود عرين الأسود
وانطوت صفحة حياته يرحمه رب العبيد
ياعساه بجنة الفردوس في دار الخلود
وجو من بعده عياله وحكموا فيما يريد
احكموا بالعدل والإنصاف وافين الوعود
أنهضوا ببلادهم وقدموا كل ما يفيد
وكل منهم في زمن حكمه بذل مجهود
لين صارت دارنا نبراس للعزة مشيد
في مسيرتها مع الأيام رمزا للصمود
يابلادي بالتقدم والرقي الى المزيد
واكبي ركب الحضارة رغم انف الحسود
واصلي بالعلم والاسلام والعيش الرغيد
لا يهمك وش يقولون العدا, أرقي سنود
وسارعي للمجد والعلياء يبقى لك نشيد
والعلم خفاق أخضر يرفرف بالوجود
ويا وطنا يا وطنا لنا قدمت العديد
كل خيرن نطلبه نلقاه بك موجود
يا وطنا يا وطنا حبنا لك بالوريد
يجري مع الدم فينا ليومنا الموعود
ياوطنا وان برا لك من يعادي أويكيد
بروحنا وارقابنا والمال عنك نذود
في قيادة خادم البيتين الرجل الرشيد
الحكيم الحاكم اللي بحكمته معهود
ابومتعب حامي الامة عسى عمره مديد
ذخر للاسلام والموطن عسى حكمه يزود
الحليم اللي فعوله ماتهس ولا تحيد
بالسياسة والفراسة له براهين وشهود
اسر قلوب البشر من القريبين وبعيد
بالفعول النادرة وبصيته المحمود
اللي لشعبه رحيم وللعدو جنبه شديد
وخادم لحجاج بيت الله لاجوها وفود
وابوخالد في مسيرتنا معه نعم العضيد
ونايف النايف معه أمن البلاد يسود
كلهم يستاهلون المدح والتمجيد
كلهم لارض الوطن عزة وحفظ حدود
والمواطن ما يجيه الضيم .. معه اكبر رصيد
بعد توفيق الاله بظل حكم آل السعود