يا وازن البندق على وقفة الشاص أعزم على الصمّان كانك تدله حولك نخل ما يحتمل فعل قناص غصنٍ به فراخة .. والآخر يظله سعد الحماد، روضة سدير يا مطلّع الشوزن تبي ترمي الصيد في مزرعة متوقف الري عنها وقت التزاوج وقفوا يا البواريد لا تقرض اللي تسعد العين منها سعود بن عبدالعزيز الهزاع، نعام على الباب الايسر مركين كوع يسراه ومصوبن صوب الرمية سلاحه في البيد مقناصه على الجيب مسراه وليا نوى صيداً تحقق نجاحه عبدالله بن إبراهيم العبودي، عشيرة سدير الشاص وقف والدريول ينظر مدري وش اللي شايفاً بين الاشجار الله يجيب الخير والروض يحضر ونمشي مع الغدران من بعد الأمطار فايز فرحان السويلم يا راعي الجيب لا هنت.. المزرعة ما بها صيد اترك الحمام والعصافير.. بالله رجع البندقية إن كنت ناوي إن كنت.. اقطع الفرجة بعيد بتختخٍ ما به دواوير.. الصيد برضٍ خليه محمد سعد القحطاني، الرياض يا زين رمي الصيد في خضر الاشجار في خايعٍ شوفه ينومس حضارة هذي مسيرة راعي العز والكار ومن لا سلك فيها حياته خسارة محمد المسعري الدوسري هذا تطور في أسلوب القناصة والا كسل قناص والا عدم صيد والله ما ادري وش تبقى الرصاصة الصيد طير وجاته الطلقة إمن إيد علي بن ثابت القحطاني انا اشهد ان الصيد هو شف بالي طول السنة قلبي عليه يتوجد اقضيه من وقت الفجر للزوالي لا صار وقته كل امري غدا جد نايف حمود النافع يا صاحبي جنب عن الصيد مرات الله لا يخيب طلب لي رجيته الصيد.. له وقتٍ معين ورحلات الصيد .. ثروة بندقك به رميته سميرة سليمان العبرة، الرياض يا فاهمٍ لفنون القنص والمقناص هذي أموراً تصعب معانيها تبتدي بالشوزن ومركب الشاص وفي البراري الصيد دومٍ يحليها عبدالرحمن محمد الفارس، الرياض الشاص جاهز مع السواق والصيد جتنا بواكيره وترى التفق من يد التفاق واللي نوى يطلب الخيرة صالح بن عبدالله الجلعود الصيد ذار وأهلكوه المناذير ورجد السلاح يسمعه كل مخلوق فوق الجيوب اللي تبوج المحاذير وطير أم سالم منه ما هوب معتوق حمد عبدالله الوايلي ياللي على الشاصي تختل الحمامة ارفق تراها حذرةٍ منك بالحيل لو ما تشوف من موترك الا جهامه تطير وتخليك تجر المواويل خالد بن ناصر المخيمر الشاص والسواق بيديه راش لكن ما ندري عن اللي يريده إن كان قصده وده يدور عراش طيراً يبا يخطيه والا يصيده جسار مهدي السبيعي على الشاص يحلا القنص والجو هادي ومعي بندقي في روضةٍ تحت مشجاري بجواً مطيراً نستمع صوت رعادي يزين الشوي ونسعد على شبة الناري محمد بن عبدالعزيز الخنيفر لا تقنص الا معك تصريح وقناصة الصيد في حله الصيد اليامن طقه ريح يفطن لك قبل تفطن له شجعان سعود المقاطي يا راعي المقناص من داخل الشاص في جرهدية تحت هاك الضليلة ركز وحاول تاخذ الدان والقاص من الطيور النادرات الجميلة علي الزولاني، فيفاء الصيد اقلع يا السنافي وخلاك صوت المكينة طيّره من شجرها الصيد ما هو جالسن ويتحراك انصحك رجع بندقك في كمرها مشعل خالد الحامد، حائل يا راعي الشاص خل الكير في حاله خله يغرد بصوته فوق الأغصاني ترميه من عير سبة مالك وماله خله يغني بصوته زين الألحاني متعب بن هزاع الدوسري - وادي الدواسر صورة العدد جزيرة من اللحم والرز بالثمامة أرسلت لإيميل الصفحة من موقع الخليج البريدية نرحب بمشاركاتكم الشعرية حتى مساء الاثنين على الفاكس رقم (4871070) أو الايميل الخاص بصفحة الخزامى: [email protected]
