بيت وصدى

الأسبوع الماضي كان بيت الأسبوع المطروح لمعد الزاوية والذي يقول:
يا سوق الاسهم غموضك ضيع العالم
كل يحلل ولا أحد عارف حاجه
وكان الصدى من الشعراء لموضوع البيت المطروح:
اللي لقوه الرجال أهل الطمع والم
جمرن دفن في طريق طفى اسراجه
فتحك حالم وحقق حلم من حالم
وخلاك فارغ وبابك شال مزلاجه
بدر بن خلف الحزيمي
السوق ضايع وغارق حلم يا حالم
والحالم أنغر فيه وطاح بأمواجه
من دش في سوق الأهم ما هو بسالم
أموشره صار يصعب جداً علاجه
معتاد بن عويش السلمي - الرياض
كم واحد عنك حقق حلم به حالم
حققت حلمه قبل تعطيه لا الهاجة
واليوم يا سوق الاسهم وضعك الظالم
تشكي البشر من غموض الوضع وزعاجه
سلطان بن حمد أبو شقاف الحبابي - الطائف
يا سوق من طحت ما بالعرب سالم
بعد المؤشر هوى من قمة أبراجه
غديت للناس يا سوق العرب ظالم
مصدر هموم البشر ثم مصدر ازعاجه
عوض سحمان العتيبي
وشلون الأسهم وش اللي صار يا سالم
ضاع الأمل كل واحد غظلم حجاجه
والحل هو ترك الأسهم والله العالم
والرزق عند الولي ما ضاقت أفجاجه
جلعود لافي الشمري - حائل
كل يوم أردى من أول والله العالم
بيكون مرضان دايم يصعب علاجه
واللي يحلل غشيم وبالثراء حالم
ما يردي إن العرب ما تأخذ إنتاجه
سعود بن سعد الحافي - الرياض
مسكين يالي دخل بك طامع حالم
لعبت به الريح وسط البحر وأمواجه
راحت أفلوسه خذاها واحد ظالم
طاله سقيمه وعقله طارت أبراجه
حمد بن عبدالله الوايلي - حوطة سدير
أشخاص ضاعت ولا شفنا بهم سالم
تعكر الصفو وكل ما لقى علاجه
كم من نفوس عليها الدين متراكم
وكم من سجين تمنى لحظة اخراجه
محمد بن عبدالعزيز الخنيفر - أشيقر
أشد جرح الذي ماله خسر وألم
ما ينفعه قول أعرف السوق وإعلاجه
هامور الأسهم معك يا ليت نتسالم
خذ ما تبي وإعطنا توقيت بإفراجه
فهد بن عقيل الطويان - بريدة
بيت الأسبوع
تفاعلاً مع نداءات الدفاع المدني في تجنب أخطار السيول والمستنقعات بعد أن من الله على البلاد والعباد بالأمطار بعث للصفحة الشاعر سميحان فهد السويدي هذا البيت:
يا صحاب العايلة للسيل غدر كبير
أحذر تراها بلحظة تقلب أفراحها
نستقبل صدى البيت بثلاثة أبيات فقط توعية عن أخطار السيول وعدم التهاون بها وذلك على الفاكس 4871070أو الإيميل khozama@alriyadh.com.
مقترح لبيت الأسبوع القادم
بعث للصفحة الأخ عبيد مونس من الرياض موضوعاً لبيت الأسبوع القادم وهو عدم صدق بعض حملات الحج وعدم الالتزام من بعضها بما تسمعه منها أو بما هو مكتوب في عقودهم.