فلاش

رديت مباشرة.. وقالت: حنّا يا أخوي ثلاث بنات.. وعندنا أخوي وهو الوحيد، من بيننا ولكن تمنيت أمي ما جابته.. قلت إهدي يا بنت الناس واذكري الله.. قالت: أنا ذاكرة الله.. أنا ودي تأخذونه اليوم قبل بكرة لازم ترسلون أحد عشان تأخذونه.. مثل ما تسمع.. عشان تعالجونه ويا ليت تسجنونه بعد ولا نبي نشوفه.. تدري ليس أبوي مدلعه يشوفه عيونه.. وأحسن من البنات.. أبوي عنده خير كثير.. معطيه كل شيء وكل ليلة أخوي يجيب ربعه وشلته يحششون.. مرة بالملحق.. ومرة بالبيسمنت (البدروم).. وإذا انبسط حسب قولته وبدا بالضرب فينا.. ويا ويل اللي يعلم الوالد.. حنا نبيكم تأخذونه وتدخلونه مستشفى الأمل اللي نسمع عنه.. قبل ما يجينا شيء أو على الأقل يقولون بكرة علينا عوانس وحنّا بنات ناس.
ولما دخلناه المستشفى عرفت إنه مدمن خمر وحشيش وحبوب اللي يكفي إنها تدمر بلد بكبره.. لا حول ولا قوة إلا بالله.. تكفون يا شباب.. اتركوا هالأمور.. اللي ما وراها إلا الدمار وخراب البيوت ويالله سترك.
الأبرق