صوت الصورة

يا هل المواتر خلوا الدرب لأهله
هذا رصيف وموقفك غير مقبول
واللي مفلته ما يجب منك فعلته
خلك نظامي وأفهم العلم والقول
محمد بن عبدالعزيز الخنيفر - أشيقر
موتر قديم وعند راعيه غالي
أقفى موديله بس لا زال يغليه
لولا الغلا ما وقفه بالضلالي
وبصفحة خزامى لك الورد نهديه
محمد عفار المطيري - عنيزة
نبي نطلع موتري فوق الرصيف
شمس قويه والظلال يحلها
ودراجتك بالظل ما يجيها الشريف
قفل عليها في العمود وخلها
نواف إبراهيم العمر
لا أشتد فصل الصيف والشمس حيه
الجو ما ينطاق يلهب سمومه
كلن يدور بين الأشجار فيه
ومن حصله حنا نجيه ونسومه
صالح عبدالعزيز السويح - روضة سدير
عز الله أن بلادنا كلها خير
شف الرصيف أشجار كله أظلالي
يمشي به الرجلي حسب خطة السير
والموتر اللي واقف به إيشالي
ناصر بن جمعان آل عوض - وادي الدواسر
الرصيف للمشاة أو للعبور
ما وضع للسياكل والخرد
كود ربي يجيب ألك المرور
يضربك بالقسيمة دون يدري أحد
عبدالكريم عبدالرحمن السلوم - القرائن
الصورة اللي بها سيكل وسياره
فوق الرصيف أو تحت كثيف الأشجار
تبعث بقل الوعي أوضح إشاره
ويتعرضه للخطر مهما السبب صار
سعود عائش التميمي الحربي
الحر قاسي والمواتر دمرها
وكل يدور له ظلال يلقيه
في وقتها ما حسب وشو خطرها
ولا نشد عن درب ناس مشو فيه
خالد بن ناصر المخيمر
روضة سدير
من فلتي هالوقت هذا كراجي
من طلعته لمين وقت المغيبي
المشكلة وان هب صلف العجاجي
ذي حكمة الله مع رداة النصيبي
عبدالكريم النغيمشي - الربيعية
يا ملبق الموتر عن الشمس في الظل
أصبر حداك القيض زود لهبها
حبي تزايد يم نجد ولا قل
كم عاشق في نجد ينسى تعبها
سعد الحماد
روضة سدير
الأرصفة ما هي مواقف ورشات
الأرصفه للي على الرجل يمشون
دور مواقف صلحت للخدمات
وأطلب حدى الونشات لو بالتلفون
عقلا خزن الخمشي - تبوك
الظل وارف والعرب مستظله
وقت الظهر والقيض زاد الجراره
تحت الشجر سيارة مستقله
مستانس بالظل هذا قراره
عبدالمحسن محمد المحيسن -رياض الخبراء
موقف خطأ عندك يا راع الصغيره
هذا تجاوز يستحق الغرامه
هذا مكان الناس من كل ديره
من كرر الغلطات يلقي الملامه
عبدالرحمن منصور التركي - البكيرية
هيه ياللي واقف فوق الرصيف
الناس تفتل وأنت تنقض أحبالها
في البلد مشتاً أو فيها مصيف
تطور الديره من أفعال إرجالها
عبدالملك التميمي - ثادق
كلن حلاله غالي عند راعيه
وقف تحت ضل الشجر من الحراره
ألن وسيكل مسلسله مع علابيه
بما سورة حطة لكبس الإناره
سعود بن عبدالعزيز الهزاع - نعام