عواكيس 4/4/2008

@ الأخ معوكس صاحب الاطلالة الرائعة والابتسامة الساحرة سؤالي لك لماذا الإعلام الرياضي تجاهل اللاعب سعد الحارثي وأصبح تركيزه أكثر على النجم ياسر القحطاني مع العلم انهم نجوم المنتخب وفي خانة الهجوم أيضاً ما هو رأيك بكل صراحة وتقبل خالص تحياتي.
نصراوي حتى مماتي - الرياض
- وش جاب لجاب
@ السلام عليكم معوكس وش رأيك في اللي بيسوون احصائية الأكثر جماهيرية مثل اللي يشك في أيهما أكثر شعب الصين ولا قطر خلهم يسألون موبايلي.
محماس ولد هاني
- وانت ليش زعلان
@ كيفك يا أخ معوكس هو صحيح ان طارق التائب اعتزل اللعب أمام نادي الشباب بسبب رقصته المشهورة أمام نجم السعودية عبده عطيف التي انتشرت في البلوتوث وشكراً.
مع التحيات عبدالله أبو تركي
- التايب مقدم شكوى لأن الحركة ماركة مسجلة بأسمه
@ مساء الخير أبو عوكس مع اني زعلان عليك يا بعد حيي بعد ما شككت بشاعريتي لكن أبهدي لك هالبيتين على وزن قصيدة الفراعنة، ناقتي يا ناقتي: عواكيس يا عواكيس لا ربوع ولا خميس بالجمعة تعطينا في فن الوناسة دروس من خميس لخميس ضايق مالي ونيس إلا بشوفه خشتك تزهاها عوج الضروس أبو أحمد
- شاعر يا أبو أحمد بس لا تكثر ولا تذف
@ الأخ معكوس بعد التحية شرايك في بعض كتاب "الغفلة" اللي يقولون: سبب خسارتنا في طاشقند هو اعطاء شارة القيادة للشلهوب يعني لو ماخذها غيره بنفوز 2/4لا تسأل وش معنى هالنتيجة لأني ما أدري؟
مهرب عادل - الرياض
- إلا وين وديت عادل؟
@ إلى معوكس وسيم المملكة، الصراحة بغيت توجه نصيحة للي يكذب الكذبة ويصدقها؟؟ واللي برأسه بطحاء يتحسسها الاسم: أبو حرب
- خاصة اللي يقول انه وسيم المملكة ولا يقول الفيصلية.
@ الأطخم معكوس.. تدري أن عقالك حالته صعبة!! أبو صقر
- أجل شاكي لك همه ودموعه واضحة على ظهرك
@ معكوس وش رأيك فيني جاوب بصراحة معاك سلمان الزويد
- أنت أحسن واحد في اخوانك
@ حبيبوف "معوكسوف" هارد لكوف خسارتوف منتخبنا وف منوف أوزبكستانوف. محبكوف صالحوف الخالديوف.
- ناقص تفتح مخبز تميز وإلا مطعم يغمش ومنتو
@ الغالي معوكس تكفى بدون كور لافة وألف مبروك على اللوك الجديد لكن موعاجبني أنت أسنانك تقول كنها الأهرامات ولا الشنب تقول أطراف زوليه ولا العقال طاير كنه ما يبيك وبعدين وين أخوك صحن قايم قاعد ومعليش على الاطالة وشكراً أخوك "علي الخيبري - الرياض"
- إن كان فيك خير أرسل صورتك
@ سلاااام أبوالعواكيس.. بدون لف ودوران وعوار راس وش ميولك اتوقع هلالي صح؟
هلالية شمرية - الرياض
- أشجع الحرمة اللي ما تطلع من المطبخ
@ يا بو العواكيس ابيك تقدم برنامج المواجهة مين راح "تصتضيف"! أبو سليم الخبراء
- أي واحد ما يعرف يكتب "تستضيف" زي الناس.
@ أخوي أبوالعواكيس هذي الرسالة هدية من أخوك رضا تكر - أنا واسطة خير
صديقك نجر محماس مشعاب
- شكراً على الهدية خصوصاً واني مستغني هالأيام عن مفاصلي وجايب مفاصل من أوكرانيا.
@ مساك كرز، ملك جمال الصحفيين، شبيه مساري وكل المزايين، معوكس الموقر.. وبعد ما أدري ليه كلكم ضد شاعرنا المتألق منصور البلوي، قدم المستحيل لوطنه وناديه ثم نجازيه بالجحود والنكران.
ن. م - القصيم
- التصاريف كلها مشتاقة لك
@ الأخ معكوس
المحترم
محبي ومتتبعي الطائي.. ولا أجد ضيراً من أن أطالب الإدارة الحالية بالتنحي عن منصبها وإعطاء الفرصة لغيرها، مشيراً إلى ان مستقبل نادي الطائي أصبح على كف عفريت ما لم يتم تدارك وضعه ويتدخل من يعنيهم أمر الطائي.
متعب صويان الشمري
- أنا اقترح يحطونك "رئيس"