صوت الصورة

ياما حلا لاسيل الديم وديان
وأنبت من الوسمي مزاين شجرها
شوف الربيع اللي له القلب شفقان
والذود يرعا مستهلٍ مطرها
طراد بن كساب الفهيقي - سكاكا الجوف
هذا بعير براس والا براسين
تأكدوا ياخوان عدوا رجوله
مثل الرجل لاصار يضرب بفاسين
خايف على رزقه ولوهو يطوله
عبدالكريم النغيمشي - الربيعة
أم الحوير والحوير بالربيع
الربيع اللي تساقيه الرجوع
الزهر والشعب متشابك جميع
قبل مدة ولا هذا العام جوع
محمد عفار المطيري - عنيزة
يالله بغيث يسيل مرتع الناقة
سفينة البر ماجاها مطالبها
شح العلف والصحاري تشتكي الفاقة
واللي بخلا الجوع يبس لك محالبها
سعود بن عبدالعزيز الهزاع - نعام
يابكرةٍ نرعا على روض خضر
ترعا من الزملوق هي وحوارها
في روضة لا علها وبل المطر
يفوح ريح الطيب من نوارها
دامغ بن محمد الدامغ - روضة سدير
الله يجيب السيل وتربع الأرض
راع الابل ما عاد يشكي عشاها
أدعوا معي ترى الدعاء دايم فرض
تخضر فياض عقب غيث ملاها
مشار بن خالد الدعجاني - شقراء
الروض الأخضر يابكر والمغاتير
يازينها لاطشت وزان مفلاها
ما عاد تحتري برسيم ولا شعير
والشبك ماحطوا عمدانه وراها
محمد سعد آل الجرو القحطاني - الرياض
حي البكار اللي رعت نوار الأزهار
وحي المصور يومه للصوره لقطها
يالله تبدل بردنا بنو الامطار
وتغيث البلاد اللي تزايد قحطها
خالد بن ناصر المخيمر - روضة سدير
الناقة اللي غدرها الوقت وعماها
صارت ضعيفة ولا همتك ياقاني
من أول بعافيه تلعب بمفلاها
واليوم صارت كسيفه وضمرها باني
عبدالله عيد الحنيني - القصيم
سقى يوم الربيع الروض زاهر
تطيب أم الحوير مع ولدها
عليها الحال زين الحال ظاهر
بدال إعلاف عانا من وجدها
عبدالحكيم طلق العضياني - الرياض
البل لها شأن.. ومعزّه.. ومقدار
وقت الربيع وكل وادي يسيلي
سعر العلف غالي وزادن الاسعار
والناس ما شافوا وراها حصيلي
عقلا خزن العنزي - تبوك
ماكل من صور يتقن التصوير
وأبن جبر أتقن الصوره
صور أبعيراً وراه بعير
يرعن في أرض ممطوره
عبدالملك عبدالعزيز الماجد - ثادق
التيه أبوها وأمها للمجاسير
مبرومة فجاء وخداً طيوح
مفتولة قوداء نجايب مغاتر
أمجمعه سمحاء نزول ومسوح
راشد سعيد المعيلي - الخرج
يامديري أبي منك الاجازة
هاض قلبي يوم شفت الجريدة
منظر الخلفات محاط بقزازه
شوفهن ينعش القلب ويزيده
سبيتان شرار العنزي - بريدة