ريح النفل لا فاح مع ديمه الغيم

البَر زان وْجوّكُم جو تخييم
وإحنا بجَوٍ مشقِي اللّي مصاليه
بَرْدٍ يحطِم قاسي العظم تحطيم
وأنتم بجوٍ كل ما فيه نرجيه
شفت الفياضُ وشفت ذود المجاهيم
ترتع بعشب جل من هو مَسّويه
ريح النفل لا فاح مع ديمه الغيم
يبري عَمَس قلبٍ شِكى فَقد غاليه
وضوٍّ سناها فوق رؤوس المعازيم
نفسي لها تشتاق وتقول كبّيه
كبّيه يا دارٍ بها أمُوت وأهِيم
دار الوفا والطيب مانيب ناسيه
وَجدِي عليها وَجد من تاه وِيْهِيم
في قفرةٍ والمزوِدِه ما تكفّيه
وشاف السراب وكَب ماحاز ليديم
ويومٍ لفاه يوم ماعاد يغنيه
تِهناكم الكشتات والروض والديم
وعسى نجيها والمراويح تسقيه
شعر : مبارك بن مشيط الشهري