بكيت يوم إني على الدار مرّيت

يا من لعينٍ كل ما منّي أمسيت
عافت لذيذ النوم مما جرالي
أبديت ما بالصدر عقب إني أخفيت
وهيّضت مكنون الضماير لحالي
ماغير أجاذب من ضميري تزافيت
عزّي لحالٍ مولعٍ مثل حالي
بكيت يوم إني على الدار مرّيت
ولقيت منزل صاحبي منه خالي
ظلّيت أدوّج في محلّه وهليّت
دمعي وضاقت حيلتي واحتوالي
أبي الواليف اللّي صفالي وصافيت
ودّه ولا غيره عشيرٍ صفالي
من يوم فارقته وأنا ما اسفهليّت
ولا ساعةٍ تمضي دلَه عند بالي
شعر: ناصر بن عبدالله الفايز