خمسه وتسعين عام بعز يابلادي ياديرة المجد عشقي يالسعودية

وبيت الاسبوع بمناسبة اليوم الوطني الغالية على الجميع من طرح محرر الزاوية والذي يقول :
خمسه وتسعين عام بعز يابلادي
ياديرة المجد عشقي يالسعودية
وكان صدى هذا البيت من الشعراء :
من يوم جاها معزي عرب الاجدادي
والخير فيها يشعشع واضح ضيه
وفي عهد سلمان شفنا الخير يزدادي
وولي عهده محمد صافي النيه
تطورت دارنا والمجد له قادي
والشعب فيه الطموح ولا حد ن زيه
علي مونس الجدي - الرياض
ياديرتي والفرح في يوم الاعيادي
ويوم الوطن عيد والايام ورديه
في ظل سلمان والدفه لها قادي
وولي عهده محمد صافي النية
والشعب وافي مع ال سعود وسنادي
واليد وحده سوى في زين او سيه
خالد ابراهيم المرشود - الرياض
يامملكتنا الحبيبه دار الاجدادي
يا خير الاوطان يا رمز البطوليه
ياللي بك الامن والخيرات تزدادي
من فضل ربن حباك بهالخصوصيه
بجهود حكامنا راعين الامجادي
اللي رعوك و حموك من الحراميه
ياقبلة المسلمين ومبعث الهادي
نبينا المصطفى بحكمه إلهيه
عساك دايم عليك تدوم الاعيادي
في جاه ربٍ عليم بخافي النيه
سعود ثواب المطيري - القصيم
من يوم ابوتركي صوت لها منادي
قالت هلابك وانافي الكون محديه
متشتته كل قطر لاهي وفي وادي
مافيه امن ولاعيشه الحال مرديه
اراضي واسعه خاليه مالها مادي
ثم اعلن الدين والتوحيد مهديه
وسادالرخى والخيروتوفر الزادي
الى وقت سلمان والأرض منديه
عاش المليك وحبه ماله اعدادي
ومحمدالخيرغيث والأيام ورديه
ليث العروبه مجده طاف الأمجادي
يخطط بعيديرقى والأفكار نجديه
والمملكه حبهافي قلوبنا جادي
خمسه وتسعين عام بخير وجديه
عبدالله حمد الوايلي - حوطة سدير
بيت الاسبوع
كتبه للصفحة الشاعر : حاتم بن عبدالله الغريري من الرياض في الحث على التبرع بالدم ويقول :
تبرعوا بالدم يا اللي بكم دم
يمكن يجي لك يوم تحتاج منه
نستقبل صدى البيت المطروح خلال ثلاثة ايام
من نشر البيت المطروح على إيميل الصفحة:
rb-khozama@alriyadh.com