منسوج كفٍّ ماهرة زاهي ألوان شيٍّ جمال.. وشيّ قد يلبسونه

يا أم الأيادي اللي لها مجد وفعول
تحيي تراثٍ خابرينه من سنين
عصره قديم ماضيٍ حول ليا حول
خيوط نسج ملونه باين العين
تحوفها بنتٍ لها فعل ثم قول
تصنع لها شيٍ من اللون والزين
حمد عبدالله الوايلي - حوطة سدير
الحرفه اللي تنسج خيوط بالصوف
تطريزها باليد فنّ.. ومهاره
هذاك في وقته يسمى ومعروف
في جيلهم فازوا بفنّ.. وجداره
واليوم جتنا من مصانع على الشوف
كلٍّ على شوفه وحسن اختياره
سليمان عبدالعزيز السنيدي - الرياض
بخبرة يدينٍ مِع خيوط وسنَّاره
شوف مشغولات منزل محليّه
تراث اسلافٍ لنا شاعت اذْكاره
نَسعى لِحفظه دامت الروح حيَّه
سعود عائش الحربي - جدة
منسوج كفٍّ ماهرة زاهي ألوان
شيٍّ جمال.. وشيّ قد يلبسونه
هذا دليل ان الصناعة في الأوطان
دايم نشجعها.. نقدم معونه
الخير كلّه في مساعدة الاخوان
بالخير من ساعد ترى يذكرونه
محمد مقحم المقحم - الرياض
صورة العدد (مرسلة من / سليمان عبدالعزيز السنيدي)