صوره تحاكي جزء مِن عادات بلادي محفوظةٍ بالقلب دام النفس حيَّه

اللي يطالع صورتي لوّ احاكيه
أقول له كانه يريد يْتفقّه
غذاكم اللي كل عنصر غذا فيه
يوم الحياة بها كفاح وْمشقّة
أنا اللي بكفّي هاتين اسوّيه
من الرَّحى ناخذْه والّا المدقّة
واليوم من رفّ البِقالة وتشريه
واللي يحصّل شيّ قيل استحقّه
كلٍّ عسى ربّي بعمره يهنّيه
راتب وفي تالي الشّهَر قم تلقّه
محمد مقحم المقحم- الرياض.
يابنت يااللي تطحني موضة الراس
وحيان حب القمح ممكن طحينه
يا وقتنا الماضي فلاباس لاباس
غيبت لكن كُلنا حافضينه
الماضي الطيب لنا بعد نبراس
واليوم علم التقنيه دارسينه
محمد عبدالله الشهري / جبل اثرب
يا ويل قلبي والغلاء ماله حدود
على الديار اللي لها بالقلب قابليه
ديار الجنوب اللي بها الخير موجود
اهل الكرم والطيب واهل الحميه
بنت الجنوب اللي لها فعل محمود
في شغلها بالبيت عزا الله شقرديه
تطحن وتجرش ولا بها أي منقود
وفي خدمتها لشيابها ما هي رديه
خالد بن ناصر المخيمر - روضة سدير
هذا التراث اللي مضى مانسيناه
وهذا الرحا ما احد(ن) مع الوقت ناسيه
من صورته واضح وحنا عرفناه
تطحن به الحرمه جريش(ن) تسويه
واليوم في كل المتاجر لقيناه
جاهز ومن كل المحلات نشريه
وفي هالبلد نعمه وربي شكرناه
مع شكر ربي نحمده ثم نرجيه
سليمان بن عبدالعزيز السنيدي - الرياض
ثوب وقِلاده مِع رياحينٍ اِجْدادي
والمطحنه والبنت عن شرحٍ غنِيَّه
وكان ملبوسي وحاجاتي وزادِي
وكِل ما يلزم حياتي مِن يِديه
صوره تحاكي جزء مِن عادات بلادي
محفوظةٍ بالقلب دام النفس حيَّه
في صفحةٍ زيزومها المحبوب عادي
ونِبراسها الشعار بافكارٍ ذِكيَّه
سعود عائش الحربي. جده
ابنت يلي زاهيه في لبسك
على الرحى وعيونها للصوره
قلنا ماشاالله وربي يحرسك
بنت الجنوب غاليه مسروره
حب التراث باين من غرسك
وفي ديار ريف وكلها مخبوره
حمد عبدالله الوايلي - حوطة سدير
نرحب بمشاركاتكم الشِّعرية،
وما تلتقطه عدساتكم من الصور الهادفة
والطريفة على إيميل الخزامى:
rb-khozama@alriyadh.com
العدد السابق