بيت وصدى

الأسبوع الماضي كان بيت الأسبوع من طرح الشاعر حمد عبدالله الوايلي حول الحملة الإعلامية التي يشنها الكيان الصهيوني ضد المملكة العربية السعودية والذي يقول:
حملة اعلام ابن صهيون مدحوره
ومملكتنا شامخة في مواقفها
وقد كان صدى الشعراء..
يفوز منهو كتاب الله دستوره
ينصره ربي وراي عداه يخلفها
توضيح لعد الوطن بالصوت والصوره
متكاتفين فنون العدو نتلفها
ما نستمع لا السفيه ولا نبي شوره
وعلومه اللي علا الباطل مولفها
غنام مسعود القريني - نعام
بيتي كتبته وبه تحذير وخطوره
على ديار العز لاقصاء طوارفها
صهيون اجناس في حكمه ودستوره
وحمى الله بلادنا عن شر حايفها
واللي نواها وربي تقصر شبوره
عن كل تدنيس ترى الموت جارفها
تركي حواس الشمري - الرياض
كل حاقد مأتمه في داخل اسطوره
منشغلنا فيه لو هو يحرفها
وبك والله لو زهمنا اخو نوره
غير ناصلهم ونشعل طوارفها
مملكتنا بالبطولات مخبوره
وشعبنا بالحرب ما احد يوقفها
فلاح مطر الحربي - القريات
اعلامها ضدها بالشر مخبوره
والمملكه فوق تأبى من يخالفها
صهيون مهما حكت ماهيب منصوره
افعالها ما خفت والكل عارفها
بلاد الاسلام باذن الله معموره
واللي مشى ضدها فالحق يوقفها
محمد بن عبدالعزيز الخنيفر - أشيقر
مشاركة من القاهرة
يحاول الصهيون يظهر له بصوره
مير كل الخلق اكاذيبه كشفها
للمملكة منهج ووقفات جسوره
من مؤسسها وكلٍ قد عرفها
كله عشانك يا فلسطين الصبوره
سايره رغم الدعايه في هدفها
سعود عائش التميمي الحربي القاهرة
بيت الأسبوع
ابتهاجاً بذكرى البيعة لخادم الحرمين الشريفين الملك عبدالله بن عبدالعزيز آل سعود -حفظه الله- :
الولا والعهد والصدق والبيعة
لك يا بو متعب من الشعب نرفعها