حلول اللغز

نشرنا في عدد الأسبوع الماضي لغزاً كتبه الشاعر المعروف ناصربن عبدالله المسيمري وكان نصه:
شاهدت بنتٍ ركّبوها على بنت
ما تقضي اللازم الى ما اركبوها
الراكبه تمشي إذا به تمعنت
والثانيه عن مشيها حيروها
وكالعادة وصلتنا العديد من الحلول الصحيحة التي استبعدنا بعضها إما لزيادة الابيات أو لاختلاف الوزن أي«الطرق» الذي كتب عليه الرد عن«الطرق» الذي كتب عليه اللغز.. فجاءت الحلول المستوفية شروط النشر كما يلي:
لاهان ناصر يالحميدي ولاهنت
أهل العقول جهودكم قدروها
عزالله إنك وافي ما تماهنت
ودارت رحاها كل ما دوروها
محمد عبدالكريم
الزلفي
حيّ التراث وحيْ ناصر مع البنت
وقتٍ مضى بديارنا قدّروها
يا بوحمد قل له رحى البنت لاهنت
تحت اثبتت والراكبه دوَّروها
فهد بن عقيل الطويان - بريدة
يا شاعر الألغاز لاهنت لاهنت
يا محلل الألغاز لو صعبوها
قريت لغزك ثم لحله تمكنت
هي الرحاء على الحبوب أدرجوها
سعيد بن مسعد الحربي
عقلة الصقور
يا شاعر الألغاز مرحب ولاهنت
أظن شعار التراث عرفوها
هاذي«الرحا» أخذ جوابٍ به أيقنت
عقب المطاحن بالمتحاف رموها
مشاري خالد الدعجاني - شقراء
يا غايبٍ عنا زمانين وين أنت
أتعبت بالألغاز ناسٍ قروها
حضرت أنا فكري وشعري ودونت
أبيات في حل الرحى وانشروها
سعد بن مويزر البدراني -الرس
لاهنت ياللي محكم اللغز لاهنت
بالصفحة اللي بالوفا حرروها
واللغز يا هونه بحله تمكنت
طبقة رحى من الجبال اصنعوها
زيد أبو زيد - القصيم
يالكاتب الصفحات مشكور واحسنت
اللغز واضح والحلول اكتبوها
هذا الرحاء يا صاحب اللغز لاهنت
وهذي الاجابه واضحه واعلنوها
هادي مربط اليامي - الرياض
ذكرتني عسرات الأيام لاهنت
عسرة لاشك إجدودنا عبروها
موروثهم ينبيك عن حال هالبنت
الرحى واصغارنا يجهلوها
فهد الحربي - الرس
لاهانت تراث الجزيرة ولاهنت
ياللي بيوتك بالمجالس رووها
وحنا نقول اليوم يا ناصر احسنت
شفت«الرحى» يوم ان ربعي نسوها
عطالله بن سليمان العطاالله - الزلفي
ياناصر اسمع حل الألغاز لاهنت
الطيبه بنتك بعد وانت ابوها
حليت لغزك واثقٍ ما تخمنت
رحى وعصاها والدروب اعرفوها
خيران حجاج الرشيدي - الرياض
مشكور يا ستاذي على اللغز واحسنت
يااللي ألغازك زينةٍ كلبوها
وترى حصاتين الرحا فيهن امعنت
وحدة تدور وحدةٍ ثبتوها
صالح عبدالله الزرير التميمي - الرس
أنا على زين المعاني تمعنت
حياك ربي والبنيه لقوها
دار الرحى والبنت دارت على بنت
هذا زمانٍ سابقٍ ما نسوها
عبدالكريم بن عبدالعزيز الشايع - بريدة
اللغز حله واضح ليا تفطنت
ياطيب فعل البنت لاساعدوها
عصر«الرحا» ولى ولكنك أحسنت
بنت تغير عصرها وابدلوها
منيف مقبل الغرابي - النبقية
اهلا هلابك عد ما تبكي البنت
واعداد مهر البنت واللي عطوها
يا شاعر الالغاز لاهنت لاهنت
هذا الرحى والراكبه سيروها
محمد بن عبدالكريم الشايع - بريدة
حله رحاء يا مرسل اللغز لاهنت
يا ما عليها من حبوب طحنوها
ما تسدير إلاّ دارته بنت
واليوم كثير العباد تركوها
جلعود بن لافي الشمري - حائل
لا هنت يا ناصر على اللغز لاهنت
علومكم بين العرب نيروها
شفت الرحى والناس شافو وشفت انت
وحدة من الثنتين ماحركوها
عبدالهادي فهاد العرجاني - الافلاج
نشفق على الجزله ونشفق عليك أنت
ربعي معي من قلبهم رددوها
واصل وحلّق بالفضا مثل ما كنت
وإلا الرحى عشاقها ما نسوها
فهد الجروان - الزلفي
يا شاعر الالغاز قلت وتفننت
يا راعي الجزلات يوم انشروها
والحل واضح يوم انا به تمعنت
ذيك الرحى فوق أختها سيروها
سعود جازي الحربي - الرياض
يا الله يا الوالي على الخلق بيَّنت
وارسلت للخلق الرسالة قروها
ويا مرحباً يا صاحب اللغز لاهنت
حلًَّه رحى في هاالسنين افقدوها
عبدالله بن سعود الغيثيان - الأفلاج
يا اللى كتبت اللغز مشكور لاهنت
مشكور يا ناصر وربع قروها
والحل واضح يوم أناله تمكنت
هي الرحاء مع كل بدوٍ لقوها
نايف غصن السبيعي - الخرمة
اللغز يا ناصر عرفناه لاهنت
حله رحا والاولين اصنعوها
هذا جوابي يوم فكرت خمنت
وان كان اجابتنا خطا فاتركوها
محمد بن صالح المجماج - الرس
يا مشاهد الثنتين وشبك على البنت
فات الزمان اللي هله ركبوها
دنوالها أكياس عيش وتمعنت
وسط الرحا حطوه ثم حركوها
دغيم الفهيد الخمشي - الاسياح
لغزك يحيرني وانا به تحيرت
وهذا جوابي والحلول اقبلوها
اسير بالموتر ليا من توقفت
واللي معه يرتاح وغيره كلوها
محمد بن عبدالعزيز الخنيفر - أشقير
عز الله أنك يالمسيميري أحسنت
بأبيات شعرٍ بالجزيرة قروها
واللغز حله يافتى الجود لاهنت
ثبت معناه الرحا وافهموها
خليف الحربي - الرياض
أحسنت يا ناصر على اللغز أحسنت
ذكرتنا اعصورٍ بعضنا نسوها
واللغز حليته بعد ما تبينت
ذيك«الرحا» تطحن اليا حركوها
منصور بن عبدالله المجيدل - الرس
ناصر أنا فيما كتبته تمعنت
وفي من علي صدر أختها وردوها
ومن الرحا وعلىّ بذلك تمكنت
في حل من حارت ومن سيّروها
عبدالله القويعي - النبهانية
أهلاً وسهلاً يالمسيميري أحسنت
البنت وصفك كثير اعرفوها
عصر«الرحى» نسي يجي لا تفطّنت
عقب المكاين ربعنا جنَّبوها
علي رشيد الرشيد - رياض الخبراء
للشاعر الفاهم أنا أقول لاهنت
هذا جوابي بالتراث انشروها
اللغز يوم إني تمعنته اعلنت
إنه«رحا» والفاهمين اعرفوها
فالح بن غازي الحربي - رياض الخبراء
يا مرحبا يا شاعر الرس لاهنت
من وادي سبيع التحايا أقبلوها
ولغزك قريته فالجزيرة وله صنت
ترى الرحاء فوق اختها ركبوها
عبدالله بن سلطان السبيعي - الخرمة
يا ناصر المنعور لاهنت لاهنت
ولاهان ربع للتراث إعمروها
ويرسل جواب اللغز من بعد ماأيقنت
إن الرحا حله وغيري عرفوها
هندي نابت الغياثات - الافلاج
عبر الجزيرة صغت الألغاز وأحسنت
في صفحة كل الجميع رغبوها
بعد قريت اللغز فكرت وايقنت
أن«الرحى» بالمطحنه غيروها
عايد بن نوار العنزي - الرياض
جاك الجواب ان كان تنشد عن البنت
اللي على راس اختها ركدوها
هذي«رحى» يالقرم لاهنت لاهنت
في عصرنا الحاضر الجميع تركوها
حمود بن طراد الحنتوشي - الرياض
ياللي على راس الطويلة تبينت
في صفحة عشاقها قدروها
رجعت للماضي وقلت وتمكنت
ترا«الرحى» جاء غيرها وتركوها
بجاد بن بجاد البقمي - الرياض
يا للي كتبت اللغز للناس وأعلنت
ترى الرحاه المستديره لقوها
له دور بالماضي وتاريخ وبرنت
وله في تراث الشعب صفحه قروها