(هذي السعودية)

هذي بلاد العزّ والمجد والدين
مرتع صبانا فخرنا والحنينا
هذي علمها ما ينكّس ولا ايهين
توحيد مع سيف العدل باليمينا
ثلاثة قرون من المؤسس لذا الحين
ودستورها القرآن منذو بدينا
مع سنّة الهادي إمام المصلّين
ما انحيد عنها والذي معتلينا
انحبّها حبٍّ مزيدٍ على العين
من أجل مكّه والحرم والمدينا
ومن شان حكّامٍ عدولٍ ميامين
آل السعود انحبّهم مابقينا
أإمّةٍ بالحكم نهج النبيين
المُلك فيهم باقيٍ مايلينا
الأصل فيها والجدود القديمين
وبيت العرب من ماضيات السنينا
وقبلة هل التوحيد وحجّ الملبين
وفيها النبيّ الهاشميّ الأمِينا
وفيها الأمن باربوعها والميادين
وفيها صنوف الخير يالحاسدينا
هذي السعوديه وعشق الملايين
نفدي ترابه بالمهج والبنينا
ونفدي ولاة الأمر خدّام بيتين
سلمان راس العُرب في كل حينا
وليّ عهده راجحٍ بالموازين
عرّاب رؤية منذر المفسدينا
ياربّ اعنهم دايم الدوم يامعين
ياربّ وفّقهم بدنيا ودينا
واحفظ وطنّا من عموم المعادين
واكتب لنا ياربّ نصرٍ مبينا
هذا وصلّوا عدّ زهر البساتين
على كريم الخلق يا مسلمينا
عضو لجنة الأهالي والمجلس المحلي بمحافظة الشماسية