اللغز واضح بتفكيرٍ يبيني الكفالة وابتلينا في غثاها

كتب لغز الأسبوع الماضي للصفحة الشاعر د. صالح عبدالمحسن الجعفري من الرياض ويقول:
ويش بنت طبعها دايم لعيني
والحياء يجبرك تقبل في غثاها
اول الحرفين باطراف اليديني
واضح لغزي وشمس في سماها
وثاني وثالث ورابع شي زيني
وثاني واول نبت فوقه لحاها
ومع محاولات الشعراء وعوارف الألغاز توصل للرمعة الصحيحة:
حل لغزك حذّرك منه الذهيني،
والنصايح بعضها نهمل حِكاها.
الكفالةْ متعبةْ للطيّبيني،
مار بعض الناس لاستفزِع عطاها.
إشكني واشكيك وضعٍ ما يزيني،
من عطى كلمةْ لزوم انْه يْحماها.
محمد مقحم المقحم- الرياض.
مرحبا باللغز في حينه وحيني
وشافته عيني ولاشي خفاها
اتفكروا تبصروابي حله يبيني
هي كفاله مالها حد ومداها
والزمن دوار ويعدل سنيني
ولت ايامه وراح الي وراها
حمد عبدالله الوايلي - حوطة سدير
اللغز ياصالح على راسي وعيني
في صفحةٍ نحرص عليها ونقراها
واللغز حله باذن ربي يقيني
كفالةٍ لولا الحيا ما نباها
سعود عائش الحربي- جده
للجعفري ارسل سلام متيني
من شاشة الهاتف إلى مبتغاها
حله كفالة والمخفى يبيني
واللي توهق يجهل اللي ور اها
علي الرشيد- رياض الخبرا ء
الكفالة محرجة للطيبيني
نشبة ما يندرى باللي وراها
اصبر يبو محسن وربك يعيني
يالجعفري هي بلشة للي بغاها
محمد ابو دحيم - البدائع
أستعين الله و هو دايم معيني
داحي الأرض و رفع أعلى سماها
اللغز واضح بتفكيرٍ يبيني
الكفالة وابتلينا في غثاها
ذا جوابٍ واضحٍ يا بعد عيني
والتحية و السلام أرفق معاها
أحمد عبدالوهاب العامر - الأحساء»
اه من هم سطا ياناس فيني
وكل ما اذكر ماحصل يكثر عناها
الكفاله شينة يالمسلميني
لعنبوها تجعل الطيب عشاها
محمد عبدالله القحطاني - المزاحمية
ما يطيح بشبكها الا الطيبيني
والذهين يقول بعد لاتجيني
الكفاله مالها مذهب وديني
امرضتنا واختفى عني دواها
فهد مبارك العازمي - تبوك
لغزكم محلول يالرجل الفطيني
عشت ياصالح ولغزك ياحلاها
الكفاله طيب عند العارفيني
والردي يعض كف اللي عطاها
لافي هزاع الشمري -حفر الباطن
وسقط سهوا حل الشاعر صالح الزرير التميمي من الرس والذي يقول :
يامرحبا ترحيب وافي واهلين
بعادي وربعه في خزامى الصحاري
ونبي نحل اللغز يابن الكريمين
ياللي لك بقلبي مكانة وقاري
قصدك عقار واكثر الناس بلشين
في هالزمن مابين بايع وشاري
ونعتذر منه
لغز الأسبوع
كتب لغز الأسبوع الشاعر عبدالله زبن الأسلمي من حفر الباطن ويقول:
انشدك عن (بنت) تشوق الملايين
خواتها من كل بحر كثيرات
اول وثاني حرف قطع بسكين
وثالث ورابع بنت بالجسم بالذات
وثاني وثالث ورابع هوايه وزين
ورابع مع الاول قديم من الاصوات
نستقبل الحلول خلال «ثلاثة أيام»
من نشر اللغز على إيميل الصفحة:
rb-khozama@alriyadh.com