الواسطة حله لها زود مقدار هذا جواب اللغز من واحد جاد

لغز الأسبوع
كتب لغز الأسبوع الماضي الشاعر صالح محيسن الجعفري من الرياض والذي يقول:
انشدك عن بنت لها فعل جبار
بنت وتبقى بنت لو عمرها زاد
اول ثلاث حروف ملفى للاخبار
ورابع وخامس حرف بين الملا ساد
والذين توصلوا للرمعة الصحيحة:
اللغز ياصالح ويا نسل الاخيار
حلِّه بإذن الله نجيبه بالاوكاد
الواسطه ترفع وتخفض للابشار
لازم نحاربها تكفون يااجواد
وللصفحه و معد واخوان ابرار
أزكى التحايا خالصات والاسعاد
سعود عائش الحربي - جده
اللغز واضح مير انا فيه محتار
نبي نحاول يمكن الحل ينصاد
الواسطة حله لها زود مقدار
هذا جواب اللغز من واحد جاد
علي الرشيد- رياض الخبراء
اهلا هلا بعداد ماطاير طار
باللغز واللي جاب لغزه على الضاد
والحل اظنه واسطه يابن الاخيار
واظنها قلت ولا اظن تزداد
خالد ابراهيم المرشود - الرياض
فكرت في لغزك مع الليل سهار
ولقيت حله عقب ماجاني اسهاد
الواسطه ياصاحبي كلها اخطار
وتسلب حقوق الناس سكينها حاد
عبدالعزيز الصقيري - حايل
ياكاتب لغزه وتبدع بالاشعار
خذ حلنا والفكر للغز صياد
الواسطه تهدم ولا تبني جدار
وهذي سواته من زمن عاد شداد
حجي عايد المفضلي - الرياض
يامرحبا يابادع اللغز باشعار
نبي نشارك بالخزامى يالاجواد
والحل درب الواسطه مابه انكار
قوموا نحاربها على روس الاشهاد
حاتم عبدالله الغريري - الشنان
« لغز الأسبوع »
كتب لغز الاسبوع الشاعر صالح البشري من الفويلق ويقول:
ويش رجل ساكن الدار الوسط
زايد خيره ويعطي من يجيه
اول حروفه يجي فوقه نقط
غير الالف ولام يالحر النبيه
واخره ياويل من جوفه سقط
له بنات وكل بنت تحتويه