لاصار زامك ليل تقضيه سهران وان كان زامك صبح مع فج الانوار

اللغز السابق كتبه للصفحة الشاعر عبدالله عايد المفضلي والذي يقول:
أنشدك عن رجل مرتب وله شان
بالجانب الشرقي من المملكة صار
يمكن بقى طاريه يالربع للان
واستبدلوا اسمه وباقي له آثار
اول وثالث حرف يرفع له انسان
وثاني وثالث حرف هي اغلى الابشار
توصل للحل:
سلام لابن عايد على رأس نيشان
ولغزك المنشور في شكل تذكار
ال - زام - حله ما يبي زود برهان
في ماضي الأزمان في كل الأقطار.
علي الرشيد - رياض الخبراء
ذكرتنا ياصاحبي ماضي كان
في راس تنوره على سيف الابحار
الزام متعب وان حصل فيه شدان
والحمد للي فكنا وال الاقدار
راضي الحربي - الرس
عزالله ان اللغز وافي ومليان
وحبيت اشارك مع مطانيخ شعار
والزام اظنه حل ياطير حوران
اسم الدوام ان كان بالليل واسفار
عبدالله مرزوق الشمري - الدمام
الله على وقت قضينا بظهران
يوم الزمان اللي مثل طش الامطار
لاصار زامك ليل تقضيه سهران
وان كان زامك صبح مع فج الانوار
علي مطر العلي - حايل
قريت لغز فالجريده على ان
واعجبت به وانا من اللغز محتار
لاشك حليته بعد كنت تعبان
الزام ليلة عيد قطعه من النار
عيد محمد العتيبي - جدة
لغز الأسبوع
كتبه للصفحة معد زاوية اللغز ويقول:
ياويش رجل قوي الوجه ومفوه
رجل به الشر هو والخير مقسومي
الحرف الاول مع الثاني به القوه
سبعيني العمر ماهو تو مفطومي
وثالث ورابع نهض من مجلسه توه
وماني لتوضيح باق اللغز ملزومي
نستقبل الحلول خلال «ثلاثة أيام» من نشر اللغز على إيميل الصفحة:
rb-khozama@alriyadh.com