حله عقال الرجل فوق العمامه وسميه الابيض يعقل به القود

كتب لغز الأسبوع الماضي محرر الزاوية يقول:
انشدك عن رجل رفيع مقامه
اسود مع الرجال وابيض مع الذود
آخر ثلاث حروف مبدا كلامه
واول وثاني حرف قطع ومنقود
ووصل للصفحة العديد الحلول والرمعة الصحيحة فقط :
لغزك يا عادي ماتجيه الملامه
لغزك على معناه ياراعي الجود
حله عقال الرجل فوق العمامه
وسميه الابيض يعقل به القود
سعود بن ثواب سليم المطيري - الرياض
عادي عسى دربك سماح وسلامه
ياراعي المعروف والخير والجود
حبكت لغزك في خزامى الزعامه
تبي العقال بدون نقصٍ ولازود
صالح عبدالله الزرير التميمي - الرس
يا مرحبا فيكم رجال الزعامة
اهل الكرم والجود والقول مشهود
عقال حل اللغز وأصبح علامة
هو معتلي بالهام وفي مقدم الذود
علي الرشيد-- رياض الخبراء
مرّ على الصبيان ومرّ على العود
ماتلبسه ام الغطا واللثامه
ولايلبسه حمر العلابي ولا هنود
عقالنا رمز الفخر والشهامه
ورث تخلد في مواثيق وعهود
وختام أصلي عد وبل الغمامه
على محمد عد ما طافوا حشود
إبراهيم - الجبيل الصناعيّه
يامرحبابك عد نوح الحمامه
وعندي جواب اللغز واضح ومشهود
هذا عقال تلبسه فوق هامه
واهل الحلال عندهم دوم موجود
حمد عبدالله الوايلي - حوطة سدير
لغزٍ جميلٍ منتقَى جزْلٍ كلامِه
مِن ذِرِيفْ اِبْكِل طِيبٍ لِه وُجُود
هذا عِقال الرجل محفوظٍ مِقَامه
بعْد حَلَّلْنا المعاني والبُنود
سعود عائش الحربي- جده
لغز الأسبوع
كتبه الشاعر حجي عايد المفضلي من الرياض ويقول:
انشدك عن رجل قليل مع الناس
رجل ظهر صيته للاقصى والادنين
من يملكه كنه غني بالالماس
ما شيف وجهه لكن الفعل نعمين
اول وثاني حرف فك للولاس
وعكس الثلاث الاوله يوذي العين
نستقبل الحلول خلال «ثلاثة أيام»
من نشر اللغز على إيميل الصفحة:
rb-khozama@alriyadh.com