ياكثر من زالوا وباقي لهم ريح افعالهم بالمختصر خلدتهم

كتب بيت الأسبوع الماضي للصفحة الشاعر عبد العزيز الصقيري من حائل ويقول:
ياكثر من زالوا وباقي لهم ريح
افعالهم بالمختصر خلدتهم
وهذا صدى الشعراء :
ماتَوْ مِنِ سْنينٍ رِجَالٍ طحاطيح
والله ما كَنِّ المنايا خذَتْهُم
ناسٍ على كسْبِ الجمايل مشافيح
ما جَمّعَوْ مالٍ يزيد أرْصِدَتْهم
ما قَفّلَوْ بيبانهم بالمفاتيح
عِيد النفُوسِ اللي لحاجهْ نِصَتْهم
لأسْوَدّتِ الأيّام كانَوْ مصَابيح
حبّ المعَالي جارِيٍ بأوْرِدَتهم
ترْوى سجاياهم وتعْزَفْ تواشيح
معْنَا ولَوْ كانِ القبُورِ احضنتهم
يغفر لهم منْ يغفرِ الذنبِ وِيْبِيح
ويقْبل دعا خَلْقٍ أبَدْ ما نستْهم
ناصر جمعان آل عوض / وادي الدواسر
ذولا نسميهم رجال طحاطيح
اذكارهم بين الرجال ارفعهم
نذكر شهامتهم إلى جو مصابيح
احلى المجالس بالسرور اجمعتهم
علي الرشيد - رياض الخبراء
كم واحدن نشمي و هبّاب بالريح
واليوم في جوف الثرى بالْحدتهم
كانوا مناراتن بصدق وتصريح
و الطيبه العليا ترى و حّدتهم
ما فيه شخصن منهم جاه تجريح
مازالت الذكرى و هم بأضرحتهم
محمد عبدالله الشهري - جدة
والله ونعم بالرجال الطحاطيح
عسى الجميع برحمة الله شملتهم
لوغابت اجساد وجيهن مفاليح
افعالهم طول الزمن جملتهم
صالح البشري - الفويلق
زالوا من الدنيا وباقي مجاريح
أطلالهم وافعالهم وثّقتهم
خلّد لهم فيها علوم ومصاريح
واسلومهم بين العرب اشهرتهم
يالله عساهم في جنانك مفاريح
مع حوّر عين ورَحمتك اغّتشتهم
مشعل بن صنت العصيمي - الخرج
الناس حيء مجاور سهيل مايطيح
يدل من دنيا العنا قيدتهم
لو الدهر وصروفه الشينه تزيح
ضحكاتهم يوم الفنا وردتهم
تاريخهم منقوش بالصخر توضيح
للي يمر يلقى درر جسدتهم
العمر ما عاشوه نومه وترويح
افعالهم بعد الولي مجدتهم
عايض الميلبي
يوم الفقر شتت بشر كنه الريح
وقافتهم فزعاتهم توجتهم
يوم الزمن ياقل مابوسطه مريح
والجوع فجأه كم تمادت وبغتهم
ناس ٍ تساند كل من مال بيطيح
شالت حمول ٍ كايده ماأتركتهم
واليوم ننعم في جلوس ومراويح
خيرات ربي للأوادم حوتهم
عبدالكريم إبن خزيّم - البكيرية
رامو هقاويهم بقدروتصريح
واخبارهم للي نسى ذكرتهم
طيب على عزومعزه وتفريح
وكل المراجل بالوفاعلمتهم
حياة صعبه كلهاصبرتجريح
ماتوواذكارهم باقيه ذكرتهم
الغيرمايذكروهودايم يطيح
حي مع الناس مار ماعبرتهم
حمد عبدالله الوايلي - حوطة سدير
بيت الاسبوع
كتبه للصفحة الشاعر عوده العنزي من الرياض ويقول :
السياحه في بلدنا عالميه
كان صيف او برد والا بالربيعي
نستقبل صدى هذا البيت خلال أربعة أيام
من نشره على إيميل الصفحة:
rb-khozama@alriyadh.com