غيث السما مزنٍ مراويح هطالها لين انتثر يبهج البال تروي اليباب وتنبت العشب والشيح وتنهج لها كل البداوين رحّال هذا يخايلها يبي هبة الريح وذا يخايلها ورا نوق وجمال وغيث النشاما منهل الجود زحزيح فرد ويضاهي بالبذل ألف رجال يفوق في جوده جميع الممانيح يا ما تناثر من يدينه من المال عد الحجيج وعد لفح اللوافيح وعداد ما يهمي على الأرض همال وعداد ما يرجيه ناسٍ فلاليح أو ضعن بدوٍ بين راحل ونزّال وما رددوا في فرضهم من تسابيح وما بسلموا ما بين مخرج ومدخال وما كبروا بالليل وقت التراويح وألا سعوا عند الصفا أقفاي واقبال يا مرحبا باللي وجوده مرابيح والجود من جوده غدا يضرب أمثال اللي ركب من سطوته صهوة الريح واللي صعد بالطايلة راس ما طال حر تعلا من حرارٍ جواريح هم للعرب راسٍ وهم للشرف فال آل السعود الغانمين الدوابيح أهل الثنا لا حدثت بنت الأجيال الفاتلين الناقضين الطحاطيح اللابسين من الشرف كل سربال يا مرحبا باللي قدومه تصابيح فجر شروقه بالسعد بشعل اشعال سلطان سلطان الفخر والتماديح والصيت والمعروف وأنواع الافضال سلطان ملفاً للوجيه المفاليح وقلبه لشعبه دايم الدوم مدهال الجايد اللي ما حسب للمصاليح يعطي العطايا كنها مدت ريال ياما نفوسٍ في سموه مشافيح وياما كريمٍ من ندى كفه اهتال وياما لفاه مطولٍ للشوابيح والا ضعيفٍ معدمٍ صكه الجال وياما مريض جاله يقوم ويطيح وعوّد وساقه مستقيم بالامال وياما لنا في سيدي من مطاميح عدٍ لنا نشرب من كفوفه زلال وياما نظمته مثل نظم المسابيح شعرٍ كتبته في سموه على آل لمّحت عن سيد هل الجود تلميح والا فلا في سيدي تافي أقوال وإن جيت أصرح مجمل القول تصريح والله فلا ربعّ على القلب رجّال ألا أنت باسمك ياعظيم المناويح كم شال في روحي من الحب شيال وهذا الغلا في داخلي حبره يسيح فوق الورق مثل السحايب تهطال الله يجيرك من جميع التباريح وتبقى لنا يا معرّب الجد والخال ويا علّ دربك ما تجيه السواميح يااللي لنا عز ولنا ريف وظلال واليوم عشنا العيد عشنا التفاريح والدار بك يا طيب الفال تختال محمد بن سعد العجلان جمهورية إيرلندا - دبلن
