نخلة طويلة موازنة روشن البيت بظن اعتقادي سبالة في الوصيّه خضراء جريدٍ عمرها حسب موحيت ستين عام أو هي تعدّى شويّه عسبانها يسقف بها زي ماريت عن المطر يمنع وشمسٍ لظيّه منفوح بيت الطين فيه استسريت بارد طبيعي ونسمةٍ ذعذعيّه سعود عبدالعزيز الهزاع - نعام المجلس اللي يدهله كل رجّال يلقى الكرم عند الرجال الميامين السقف مرفوعٍ وعمدانه اطوال والنخلة اللي تعطي المنظر الزين شف الخشب في رصته عدل ما مال فوقه جريد منظم ذاله اسنين علي الرشيد - رياض الخبراء المنظر اللي كان في وقت مضى منظر بيوت الطين وشمسٍ شارقه يشوق عينك شوفتك هاك الفضا والمشي حافي لو اللواهب حارقه راحت ايامنا يالله عساها رضى نكشت بالمزارع ونشوف الباسقه ماضي قفى ومعه العمر انقضى ما باقي منه غير الذكريات الصادقه خالد ناصر المخيمر - روضة سدير يسرني شوف النخل داخل الدور ياما لها ذكرى سنين طويلات مكانها معروف بالقلب محفور يا زينها بين السيوف الشطيرات هذي غذا الاجداد في ماضي عصور في بلادنا والحمد لله وفيرات هذي هي النخله بها الكل مسرور ذكرى الجدود الطيّبه ماضيٍ فات محمد عبدالعزيز الخنيفر - أشيقر عمود شامخ فوقه السقف عالي والنخله اللي رمزها واقف بطول بين السماء والأرض منظر خيالي يوحي له التاريخ حولٍ بعد حول ثابت على طول السنين التوالي وشفت المصور بارع مايبي قول صورة جميلة كامله في المجالي منظر طبيعي ماهو منظر المول حمد عبدالله الوايلي - حوطة سدير عبر الزمن شامخه يا نخلة الخير الدّار منّك وظلّي وطيب غذايه ولك رسم في أوسط السيفين تقدير وتلقين من عندنا تقدير وعنايه يا حمود شف زين نخله بالتصاوير في دار أجدادنا بالذكر آيه ومجبّبٍ طين مجلاس المسايير إرثٍ من أجدادنا تذكار ومرايه سعود عائش الحربي - جدة يا نخلةٍ شفتها منظر رهيب شدني جمال وعذوبٍ منظرك شامخه شموخ وقوامٍ عجيب رمز العطا والخير وما أصبرك صلاح بن ظافر - خميس مشيط يا نخلةٍ طلّت علينا جميله لا واهني اللي لها زارعينه هذي هي النخله ولابه مثيله دايم لاهلها بالوفاء عارفينه وتجدد الذكرى رجالٍ أصيله شوفه بوسط القلب دايم حنينه الاسم ما يخفى سنين طويله لاواهني اللي لها مالكينه ريان محمد الخنيفر نرحب بمشاركاتكم الشعرية وما تلتقطه عدساتكم من الصور الهادفة والطريفة على إيميل الخزامى: [email protected] صورة العدد السابق
