ياما حلا الدلو والمحّال والبير لاصرت ضمياني

ازعب من المسقاة عذب المشاريب
خل الدلو يملى المدي للمعاطيش
بير بطرف بستان محفوره بهيب
راع المحل ماحط له غير ذا الحيش
من مر يشرب عن هجير اللواهيب
الطرقي واللي راكبين على الجيش
صورة من الماضي تنبي عن الطيب
عرفتها في ذا الطواقي نقاريش
وان كان موسم للتمر كل مراطيب
الاسودان من الزاد من أفضل العيش
سعود عبدالعزيز الهزاع - نعام
يدلي بدلوه والرشا باليميني
واللبس واضح من تقاليد الاجداد
قرم ونشمي بالمواقف فطيني
يعرف خراجه بالمصادر والاوراد
واليوم عم الخير والوضع زيني
شي يسر النفس ويغيض الاضداد
علي الرشيد - رياض الخبراء
ياما حلا الدلو والمحّال
والبير لاصرت ضمياني
ويروده أجيال .. وأجيال
من عدّة اسنين وازماني
ما يارد الما يكود ارجال
مع السفر ربع وإخواني
عبدالكريم عبدالرحمن السلوم - القرائن
ماحدٍ ينسى عصورٍ روّحت
وقت ماضينا بها عز وفخر
نفتخر باجدادنا سنينٍ مضت
ما تفكر بالتعب وفيها الصبر
لاجل عيشتهم تحدت واخلصت
والفلاحة شغلها طول العمر
اتعبوا ارواحهم حتى انتجت
والنخيل انواع مع زود الثمر
محمد عبدالعزيز الخنيفر - أشيقر
أيام راحت بين ناشد ومنشود
قفّت مع الشيبان نعم الجدودي
يوم الدلو في داخل البير موجود
ما به مكينه والجهد بالعضودي
والصبر دايم في المواقيف محمود
رغم الفقر والنقص بعض النقودي
راح الزمان اللي به الرزق محدود
وجانا زمان الخير رغم الحسودي
خالد ناصر المخيمر - روضة سدير
آه من وقت مضى فيه مجهودٍ كبير
يتعبون الناس من حالة مستعصيه
ولابغيت الحق الدنيا تراها تستدير
راحت افواج قديمه وقتها مستبليه
اعتبر ياللي تشوفه كيف كانوا يا بصير
كيف ما هم يزعبونه والدلو يمتليه
والرشاء شوفه يتله ولاحبله قصير
واحد يتعب وشأنه يعيش الترضيه
يا تراث الحضارة وفي وقت الفقير
نحمدلله وقتنا يومه نذوق التسليه
حمد عبدالله الوايلي - حوطة سدير
يا ضيف لولا العود مع دلوه وبيره
ما كان ضيفك تالي الصيف شفناه
شدّ الدلو برشاه يسلم نظيره
متحفزٍ يسقيه تضحك شفاياه
ومتدبّرٍ ما صغر .. ولا كبيره
من ملبسٍ وغذاه وأسفاره وماه
يشقى لرزقه فجة النور ويديره
لين الغياب ولا سمع منه الآه
سعود عائش الحربي - جدة
يوم الامور الاوله غطس وامراس
كم مرّةٍ تمرس علينا المحاله
يوم الفلاحه كلها روس لاباس
والناس تزرع والزرع له مجاله
يقوم راعيها قبل قومة الناس
حيثه يروس ومعتني بالحياله
ذكرني الفريدي وأنا اقول لاباس
وكلٍ على شفه يوجه اجماله
خليف فهيد الحربي - الرياض
يا رفاقي عجلوا لا تتركوني
انهجوا نحيي بساتين الجدودي
والديني بالوصايا حملوني
ولاجلهم لازم نوفي بالوعودي
يا عيالي وانهضوا لا تذخروني
لا طلبناكم لزومٍ بالوجودي
ريان محمد الخنيفر
نرحب بمشاركاتكم الشعرية وما تلتقطه عدساتكم من الصور الهادفة والطريفة على إيميل الخزامى:
rb-khozama@alriyadh.com ويا هلا..
صورة العدد السابق