لك الفضاء ممدود.. والجو ممتد من الأرض لين أقرب مزون السحابه

يبي يهد الطير مع شقة النور
قبل يهده قام يطلق اسبوقه
في رحلته هذي موفق ومسرور
بذل جهوده لين عشى ارفوقه
واللي معه صاحب وبين له الشور
يمشي على قوله بصادق وثوقه
علي آل رشيد - رياض الخبراء
فكك سبوقه ثم اطلق سراحه
ابشر بعزّك كان عيّن لكم صيد
خلّه يجوب الجو يفرد جناحه
يواصل مسيره لو تهدّه تراديد
عقب المقيض مقرنسن في مراحه
يبغى الصحاري يعتلي شامخ الحيد
مهما يكون الصيد يبين جراحه
به المثل تضرب عليه البواريد
فرايسه مابين تلٍ .. وواحه
وعلى الطيور الجارحه معمدٍ سيد
سعود عبدالعزيز الهزاع - نعام
يا طير يا مرفرف الجنحان
تبغى الهدد مار مربوطي
صقارنا اليوم طفشان
يبغا القنص يم اسيوطي
الحرّ حرّن وشكله بان
وريشه أشقر ومظبوطي
عبدالكريم عبدالرحمن السلوم - القرائن
طيرن يبي المنهاج ومربطينه
يا ليتكم يا ربعنا تتركونه
يبي الحباري ماخفا خابرينه
أنتم هله تكفون لا تقهرونه
وأشوف له نظرات والله حزينه
معروف طبع الحرّ ما تجهلونه
لابد من تدريب .. حذرا تهينه
ياما على الصيده تقادح عيونه
محمد عبدالعزيز الخنيفر - أشيقر
صورَتْك يا طير الأنافه رهيبه
ما زَلِّ من نصّبْكِ للطّير سلطان
صِيدِكْ بِأرضٍ أو بِجوٍّ تجيبه
صايبْ هَدفْ منتبْ بصِيدَتْك بلشان
يا طيرِ لكْ عزمٍ يِذِلّ الصّعِيبه
تشبهْ ملكنا حاكمِ الدّار سلمان
ماخِذْ مِنِ وْصُوفه شُمُوخٍ وهيبَه
مثْلهْ فلا ترضى سوى الشّمّ مسكان
ناصر جمعان آل عوض - وادي الدواسر
‫
منظر بديع فيه الاجواء تجلّى
الطير جاهز عند راعيه سالي
يا طير ياللي فوق سبقه تعلّى
فارد جناحينه على جو خالي
والصيد راح وما بعد بان ولّى
الحرّ الأشقر ما لقى له مجالي
وإن حام عوّد يم وكره بحلّى
حمد عبدالله الوايلي - حوطة سدير
فل الجناح وهيبتك مالها حد
من يد قناصٍ .. وكاسب مهابه
يا فخرنا لا صار في موسم الهد
تجيب ما عجزت عليه الذيابه
لك الفضاء ممدود .. والجو ممتد
من الأرض لين أقرب مزون السحابه
في شوفتك للخرب تفرح .. وتسعد
تومي عليه كن بينك وبينه اطلابه
خالد ناصر المخيمر - روضة سدير
الصقر رمز الشجاعة والأصاله
تشرى حراره لو يغلي ثمنها
والطير قبل انتقاضه ترصد الحاله
وليا انطلق سرّ كيفٍ منطلق منها
والخرب من هيبته تنتابها حاله
يحتل من لمساته توازنها
وعشرته واسلافنا أكبر دلاله
حنا بطول الزمن ما نحيد عنها
والبر يا زين مرباع مقياله
ودلال من وارد الرسلان معدنها
وفنجال بنٍ طراة الوقت وبياله
والطير في فيضةٍ تزعج لحنها
سعود عائش الحربي - جدة
يا مدربين الحرّ يحتاج له حل
فكوا رباطه عاجلٍ يالنشامى
كانه على هالحال فالطير يعتل
ربطه خطأ تكفون والله حراما
الحرّ يبغي الجو في موقعه مل
ضاري على الصيدات ولاهو يضاما
في حالة ٍيرثى لها ليت يرحل
ارجو من القنّاص فك الحزامى
ريان محمد الخنيفر
نرحب بمشاركاتكم الشعرية وما تلتقطه عدساتكم من الصور الهادفة والطريفة على إيميل الخزامى:
rb-khozama@alriyadh.com
ويا هلا..
صورة العدد السابق