بلادي آمري حنا جنودك

بأمرك يا منار العز حنا
قبل حد الثرى حنا حدودك
عَهَد موروث مِنْ أبٍّ لإبْنَا
عيالك يابلد خيرة أسودك
فداك المال والأرواح مِنّا
ربط شعبك وجوده في وجودك
بدونك مالنا خانه ومعنى
جميع الشعب ياداري عضودك
وفانا حقّ لكْ ما فيه مَنّا
نهلنا الخير من حالي عدُودك
عطيتي ما ذخرتي البر عنا
سخا يدك وفزعاتك شهودك
بأمجادك سمو الفخْر غنّا
شمل خلقٍ كثيرٍ فيض جودك
شبيهك فِ الكرم هتان مزنا
لِلَمّ الشمل ما كلّتْ جهُودك
علاقاتك لها فِ الكون وزنا
جميل الفعل تزها به ورودك
لكي هام العلا ركنٍ ومبنى
قهرتِ عْداكِ واتعبهم صمودك
عدوك من شموخك ما تهنا
على روس العدا تضرب رعودك
حريبك بالمصايب دوم يُمنى
صدقتي ما نكثتي في وعودك
ولا همّك منِ بْإفكٍ تجنّا
كتاب الرب وآياته عمودك
شرع من به على الدنيا استعنا
بحكم اللي إلى العليا يقودك
مليكٍ في وسط قلبه سكنا
أبو فهدٍ سعد نفسه سُعُودك
جرت بالطيب من سلمان يِمْنى
معَهْ مِنْ غاض باعماله حسودك
محمد زاكِيِ الأعرق مجنا
عسى المعبود من فضله يزودك
ويخزي من بكيده اِمتحنّا