عيد الوطن هذا ثمان وثمانين

ولابد م..أكتب في احتفاله مقوله
وبأسمي وب..أسماء كافة المبتعثين
نرفع آيات التهنيات ابحلوله
للوالد القائد سليل السلاطين
رجل الحزم سلمان رمز البطوله
و(عهد) لولي العهد طلق الحجاجين
انا على دربه إخطانا عجوله
ومنا تحية للرجال الميامين
اللي حمو سمر الجبال وسهوله
عاشت بلاد(ن) خصها الله بالدين
وارست ثوابتها بسنة رسوله
القبلة اللي تنتحيها المصلين
اطهر بلد فالكون و أعز دوله
صحراء وصارت ناطحات وميادين
وبالأمن والإيمان صارت مأهوله
الأمن راسخ والنعم تشرح العين
خير و رفاهية مواطن .. شموله
وأكبر فخر لا جيت وسط الملايين
في أنحاء بلاد الله ممكن تقوله
( انك سعودي من بلاد الحرمين
قبلة بلاد الله ومسجد رسوله )
مآزر هل السنة ودستورها الدين
وخطواتها نحو التقدم عجوله
من شعب تخضع له رقاب المعادين
أهل الوفاء وأهل السطر والرجوله
على الوفاء نبقى على العسر واللين
وجيش الغدر نجتث دابر فلوله
حكامنا عزوه ومنا قريبين
في ظلهم عشنا الحياة بسهوله
أخوان نوره نصرة الحق والدين
اللي لهم بالمجد صوله وجوله
* الولايات المتحدة الأميركية - سياتل
Your browser does not support the video tag.